Nasjonal forskerskole Tekst, Bilde, Lyd, Rom (TBLR)

– Fortolkning og teoriutveksling

Orientering (inkl. litt historikk)

NB: Registreringsskjema: Returnér snarast siste side/del nedanfor i utfylt stand til

lars.saetre@lle.uib.no og anders.gullestad@lle.uib.no

TBLRs nasjonale heimeside: http://www.uib.no/rs/tblr-b, http://www.folk.uib.no/hlils/TBLR-B/Bergen.htm, (http://www.ntnu.no/hf/forskerutdanning/forskerskole)

På denne nettstaden blir det fortløpande lagt ut informasjon om og utlysingar av nasjonale, lokale og andre forskarutdanningskurs, større og mindre lokale seminar; tekstar og orienteringar med fokus på veiledning; liste over forskarskolens kontaktpersonar; og det er òg utlagt lenkjer til samarbeidspartnarar og deira aktivitetar.

Angitt webadresse er også TBLR/Bergens nettside.

Medlemsinstitusjonar:

Dei estetiske faga sine fakultet ved NTNU (Trondheim); UiB (Bergen); UiTø (Tromsø); Agder Univ. (Kristiansand).

Andre kan delta i skolens aktivitetar etter søknad til desse, og i den grad det er plass.

Alle stipendiatar i estetiske fag ved medlemsinstitusjonane, er automatisk medlemmer i forskarskolen dersom dei ikkje reserverer seg.

TBLR er ein nettverksforskarskole med vekt på det tverrfaglege mellom dei estetiske faga, så vel som på einskildfag sine disiplintrekk. TBLR har nettverkssamarbeid med ASCA (Amsterdam School for Cultural Analysis, http://www.hum.uva.nl/asca/), CDS (Copenhagen Doctoral School in Cultural Studies, http://cds.hum.ku.dk/), tilsvarande i London, sommarskole i Oslo, og andre. Som stipendiat-medlem i TBLR kan ein òg søkje seg til desse skolane sine faglege arrangement, og blir prioritert.

TBLR har tilsett ein prof. II frå utlandet: Frederik Tygstrup, Københavns Univ./CDS.

TBLR er HF/UiB sin valde forskarskole for dei estetiske faga (sidan 2004); mediefaget i Bergen er plassert ved SV-fakultetet, men er også med i TBLR; også Griegakademiet sine stipendiatar er med. (Dei andre to forskarskolane for HF sine fag i Bergen, er forskarskolen i Språk og filologi, og forskarskolen Kultur og samfunn.)

TBLR si leiing og sekretariat har sidan 2004 lege ved NTNU, og forskarskoleleiar har til 2008 vore prof. Sissel Lie, NTNU. Haustsemesteret 2008 vart skolen leia frå UiTrømsø (Marie-Theres Federhofer), og frå vårsemesteret 2009 er skolen leia frå UiB (Lars Sætre).

TBLR har i driftsåra arrangert einskilde lokale forskarutdanningsseminar ved medlemsinstitusjonane, og har kvart år arrangert fleire nasjonale forskarutdanningskurs, både innan avhandlingsskriving/skrivekurs og faglege/emne-kurs. TBLR tildeler studiepoeng for dei ulike aktivitetane stipendiatane i den organiserte doktorgradsutdanninga tar del i.

Dei nasjonale kursa (som arrangementsmessig gjerne går på omgang mellom medl.universiteta, og som òg er blitt arrangert i utlandet, t.d. i Paris, i Italia inkl. Roma, osv.) har gjerne gått over to til tre dagar, men også dagskurs er blitt arrangerte. Dei har fokusert på ulike emne med relevans for alle dei estetiske faga, og har hatt den nasjonale skolens styremedlemmer så vel som inviterte, både nasjonale og utanlandske fagpersonar som forelesarar/undervisarar. Det blir alltid sett av god tid til diskusjon av forelesingar og fagleg profilering i samlingane, som også stundom har kurslitteratur til studium på førehand. Enkelte av dei nasjonale kursa har òg hatt paper-skriving og diskusjon av innlevert skriftleg materiale som del av programmet. I tillegg har TBLR hatt nasjonale kurs og samlingar for veiledarar.

I skolens økonomi inngår også dekking, etter søknad frå doktorandgrupper (gjerne med deltakande veiledarar), av arrangering av såkalla masterclasses, som til eit snevrare emne og med meir lokal avgrensing inviterer ein framståande kompetent fagperson som ”master” (frå inn- eller utland), som lyttar til og kommenterer framlagt skriftleg og munnleg material frå stipendiat/ar. Stundom har slike samlingar preg av førehands ”minidisputas”.

Forskarskolens styre

Nasjonalt

Prof. Lars Sætre, Universitetet i Bergen, leiar

Prof. Sissel Lie, NTNU

Prof. Unni Langås, Universitetet i Agder (Kr.sand)

Prof. Marie-Theres Federhofer, Universitetet i Trømsø

Prof. II Frederik Tygstrup, Københavns Universitet

Sekretær: Univ.stip. Anders M. Gullestad, UiB

(Assosierte: Prof. Jakob Lothe, UiOslo, og repr. frå UiStavanger)

Dei nasjonale styremedlemmene blir oppnemnde til vervet av deira eigne lokale fakultet for dei estetiske faga. Dei nasjonale styremedlemmene fungerer samstundes som TBLR sine lokale koordinatorar/leiarar, saman med lokale koordineringsgrupper ved det enkelte medlemsfakultetet.

Lokalt: TBLR si koordineringsgruppe i Bergen

TBLR har også lokale, breitt samansette koordineringsgrupper som arbeider saman med TBLR-kooordinatoren/leiaren, og som blir oppnemnde av det einskilde medlemsfakultetet for dei estetiske faga. I Bergen har det vore ei slik koordineringsgruppe sidan 2006/2007; den er nyleg blitt konsolidert og litt utvida. Den består av:

Prof. Lars Sætre (Allm.littvitskap/LLE), leiar

Førsteaman. Henning Laugerud (Kunsthistorie/LLE)

Førsteaman. Randi Koppen (Engelsk/IF)

Førsteaman. Margareth Hagen (Romansk-Italiensk/IF)

Førsteaman. Keld Hyldig (Teatervitsk./LLE)

Førsteaman. Christine Hamm (Nordisk/LLE)

Prof. Asbjørn Grønstad (Infomedia/SV-fak.)

Sekretær: Univ.stip. Anders M. Gullestad, LLE

To representantar for stip. m/ éin vara er også medlemmer i TBLR/Bergen si koord.gruppe (val/utpeiking blant dei est. faga sine stipendiatar sjølve).

Desse tre vart valde blant stip. på HF-Stip sitt møte 18/6-08, og er som nemnt medlemmer av TBLR si Koord.gruppe i Bergen:

Anders Marcussen Gullestad LLELittvit

Laura Katrine Skinnebach Bergen Museum

Morten Auklend LLENordisk

Revidert modell 2008

I staden for, som tidlegare år, å leggje hovudvekta på nasjonale forskarutdanningskurs (også veiledarkurs), enkelte mindre seminar/kurs lokalt, pluss masterclasses, har TBLR sitt nasjonale styre 2008 etter godkjenning og ønske frå det enkelte medlemsfakultet gått inn for følgjande reviderte modell:

-- å etablere semestergjennomgåande fag/emne-seminar, også med innlagde avhandlings/skrive-kurs, ved den einskilde lokale medlemsinstitusjonen. Desse lokale, regelmessige kursa (4-5 møtedagar pr semester, er tanken) vil vere innretta på både displinorienterte og tverrfaglege emne og problemstillingar. Dei vil difor i så stor grad som mogleg forsøke å ta omsyn til stipendiatane sine ønske og behov til ei kvar tid. Dei vil også ønske stipendiatars veiledarar velkommen til deltaking og til samarbeid. (Oppstart var i september 2008.) Samtidig vil dei lokale kooordineringsgruppene og dei lokale seminara ved dei fire universiteta, gjennom semesteret ha sideblikk til kvarandre, for mot slutten av kvart semester (og på omgang institusjonane imellom)

-- å arrangere nasjonale forskarutdanningskurs (faglege/emne-kurs), som kan supplere dei lokale semestergjennomgåande seminara ved kvart universitet, og som desse lokale seminara munnar ut i (januar 2009: Roma; januar 2010: Bergen; januar 2011: Berlin).

-- det vi framleis vere anledning til etter søknad å få finansiering til lokale masterclasses i tillegg.

Til dei nasjonale forskarutdanningskursa ved slutten av semestera blir det invitert framståande internasjonal kompetanse, saman med inviterte nasjonale forskarar som forelesarar. Til dei lokale seminara gjennom semesteret vil undervisning vere ved lokalt inviterte, enkelte nasjonalt el. internasjonalt inviterte, inkludert veiledarar, og ved koordineringsgruppa.

Finansiering

Overordna: HF/UiB betaler kvart år ein sum som medlemsavgift til TBLR nasjonalt, slik det har vore frå 2004 (i fall TBLR søkjer om og får NFR-finansiering, vil midlane komme derifrå). Det samme gjer dei andre medl.institusjonane. I tillegg finansierer lokalt fakultet til ein viss grad lokal drift, og tildeler midlar til lokal koordinering.

TBLR nasjonalt tildeler etter søknad midlar til masterclasses, og driv forskarskolen nasjonalt. Ved nasjonale forskarutdanningskurs søkjer arrangør-institusjonen, ut over TBLR sine midlar, om kurs-midlar og finansiering hos NFU-H (Nasjonalt forskarutdanningsutval for humaniora).

Finansiering for stipendiatane: Dei lokale semestergjennomgåande kursa vil sjølvsagt vere kostnadsfrie for stipendiatane. Ved dei nasjonale, semesteravsluttande kursa, vil (som ved nasjonale kurs tidlegare) TBLR dekkje undervisning, kursmateriell, og kost og opphald/overnatting for den enkelte stipendiat, medan reisekostnader må dekkjast gjennnom den einskilde stipendiatens eigne driftsmidlar.

Nasjonale og lokale felleskurs 2008

For alle lokale og nasjonale kurs som er blitt arrangert dei siste semestera og åra (der også kursmateriell er tilgjengeleg), sjå oversikta på TBLRs nettsider: http://www.uib.no/rs/tblr-b, http://www.folk.uib.no/hlils/TBLR-B/Bergen.htm, (http://www.ntnu.no/hf/forskerutdanning/forskerskole).

Anbefalt litteratur (generelt):

-- Mieke Bal, Travelling Concepts in the Humanities. A Rough guide, Toronto UP, 2002 (er innbestilt til Studia for stipendiatar i estetiske fag i Bergen).

-- Mieke Bal: Guidelines for writing a PhD thesis within ASCA (52 pp.). Published by ASCA, Spuisstraat 210, rom 346, 1012 VT Amsterdam. Phone 31205253874 (blir innbestilt til Studia)

-- Bok om veiledning, av Ingvild Folkvord (sjå TBLR si nasjonale nettside, i pdf-format): Patentløsninger og Fingerspitzengefühl. Om å veilede til PhD-graden).

-- Anna veilednings-stoff på TBLR si nasjonale nettside.

-->>HUSK Å FYLLE UT OG Å RETURNERE SISTE SIDE/DEL NEDANFOR!<--

REGISTRERINGSSKJEMA

(returnér pr e-post til lars.saetre@lle.uib.no, og anders.gullestad@lle.uib.no):

Pr. febr. 2010

Stipendiat i estetiske fag:

NAVN:

FAGFELT:

PROSJEKT-TITTEL / PROSJEKTINNHOLD:

HVOR LANGT ER ARB. KOMMET:

HVILKE KURS /HVOR MANGE STP. I OPPLÆRINGSDELEN

ER TILBAKELAGT:

VEILEDERNAVN:

E-POSTADRESSE STIPENDIAT:

E-POSTADRESSE VEILEDER: