Førebels forslag til PB

Marte

(Dette prosjektet er på eit absolutt ”tankestadium”… )

Døden er eit ømtåleg ”tabuemne” i den moderne verda, men dødsfall er på mange måtar og heile tida eit ”tema” for oss; kreftdøden, aidsdøden, krig og naturkatastrofar.

Det finst ting i livet som vi ikkje kan planleggje, der vi ikkje kan endre meining og få ny sjanse. Det er ubønnhørlege situasjonar og avgjerdsler som vi ikkje kan flykte frå, der den fysiske død står som den største og vondaste.

Litteraturen kan hjelpe oss å nærme oss og å setje ord på angsten for identitetstapet, sorga som ligg i det å skulle døy, eller å miste eit menneske som står oss nær. Litteraturen kan også fortelje oss noko om korleis det på forunderleg vis er mogleg å få eit nytt liv, dersom vi kan forlike oss med tapet.

Litteraturen kan lære oss noko om å leva, slik at dødsangsten ikkje får makta i liva våre. Å få mot til å møta sorga, og dermed også livet. På den måten kan døden også vera livsbekreftande.

The Blackwater Lightship av den irske forfattaren Colm Toibin er ein (psykologisk-)realistisk roman som gjev eit truverdig bilete av det moderne mennesket sitt behov for kjærleik, og om deira angst for isolasjon, tap og døden som gradvis et seg nærare. Romanen viser korleis menneska i ein liten familie, og då særskild dei tre kvinnene, trass i mange bitre kjensler, spenningar og djupe sår, gjennom møtet med sjukdom og føreståande død, likevel kjem fram til ei slags forsoning. Tenkjer meg at denne romanen kan danne grunnlag for ein analyse med eit slikt tema som utgangspunkt. Gjennom å fokusere på forteljemåte og stil ynskjer eg å framheve korleis forfattaren får fram tematikken eg har skissert forut, ein tematikk som kanskje kan seiast å balansere mellom ”det håpefulle og det håplause”, på ein god måte.

Det kan sjølvsagt også vera aktuelt å ta for seg annan litteratur som behandlar dette temaet, men på noverande tidspunkt veit eg enno ikkje om det eg har tenkt meg er for snevert eller for stort...

Har heller ikkje sett meg inn i kva slags teoretisk ramme eg vil ha for arbeidet.

Tilbake til Studieforum