Frå Russeavisa 1971:

Redaksjonen:

Redaktør:	Ole Fretheim
Karatesjef:	Margret Frøyen
Salssjef:	Lars Egil Haukaas
Annonsesjef:	Lars Sætre
Stikksjef:	Sigvor Bakke
Økonomi:	Jens Brekke
Oppvaskhjelp:	Asbjørn Olafson
Rettskriving:	Sånn hips om happ
Brannmann:	Kjell Erik Gravning

Æresruss:

Rudolf Zwartjes

 

Namnet røpar at han er utlending, og for dei som ikkje veit kvar han kjem frå, kan vi fortelja at han er nederlendar. Rudolf er som kjent musikklektor ved Voss Gymnas, og han er leiar for den snart tre år gamle Musikklina der.

I år er det første året Musikklina har russekull. Det verkar som om desse elevane gjennom dei tre gymnas-åra på Musikklina har hatt eit heilt spesielt og framgangsrikt miljø å ferdast i. Dette er mykje på grunn av Rudolf. Han har hatt evna til å skapa kontakt mellom seg og elevane. Dette gjeld ikkje berre for Musikklina, men også for andre som kjem i kontakt med han.

Det kan vi underskriva som var med på russerevyen "Ekta Godt" i fjor haust. Rudolf var med éin gong interessert i å vera med og hjelpa oss då vi kom og spurde han, og det var ikkje lita hjelp han ytte oss, heller. Han sette seg ned og komponerte fleire musikkstykke spesielt for revyen. Gjennomgangsmelodien, t.d., var Rudolf sitt verk. Dessutan var han med oss på revy-turnéen vår til Årdal.

Rudolf har ein framifrå personlegdom. Han har ein kvardagsleg omgangstone med folk, og når det gjeld språket hans elles, hender det nok at det oppstår artige situasjonar når han skal uttrykkja seg. -- Men det skal de vita, vesser, han er i alle fall ein utlending som snakkar vossamål.

Til lykke med dagen, Rudolf!

TILBAKE TIL HOVUDSIDA

Avisa -- Klasse 3Ra

 

Arnt Victor Oettel	Har med tida avansert til nestformann i Dale-banden i 3Ra. Ein av grunnane til det er kanskje at han er motorsykkeleigar. Har ikkje drive så mykje med motorsykkelkøyring etter han i fjor fekk psykisk samanbrot under ein fart på 130 km/t i ein sving ved Hamlagrøvatnet. - Arnt Victor er ein grei kar, oppalen på sunn norsk kost som geitemjølk og bollar bakt av mjøl frå Vaksdal mølle, ein god vane han dessverre nå har lagt vekk. - Dei første skuleåra budde han i si kjære heimbygd Dale. Men i fjor fekk han sterke sjelelege inntrykk frå religionsundervisninga til Ohnstad om Frans av Assisi og andre munkar, og såg det som eit kall å prøva einebuartilværet på ein hybel på Voss.Seinare har han heldigvis kome til at han har måtta moderert mykje på kravet. Arnt Victor er ein ihuga jeger, ein hobby som har vore han til stor nytte på mange måtar. - Framtidsvon: Å bli skulestyrar på Dale folkeskule (den ni-årige einskapsskule).
Jorunn Ringheim, Voss	Kven et i kvart friminutt? (Til stor misunning for Ingunn.) Kven forsvarar Borten og Senterpartiet? Kven spring langrenn? Kven seier: Det er det samme kvar i verda eg bur, berre eg ser Lønavatnet? Kven har utpregar humoristisk sans? Kven let strikketøyet liggja att heime? Kven er dotter han Joans? "Vem kan segla förutan vind?" - HO JORUNN!
Ingunn Børve, Voss	Ingunn Børve er ein av dei mange som synest å taka deleksamen på husflidsskulen medan ho går på gymnaset. Dessutan har ho tatt matematikken så alvorleg at ho no er i stand til å rekna ut antal masker på ein strikkepinne. I det siste har Ingunn også fått nok av handarbeid i fritida si, slik at forstandaren (klasseforstandaren sjølvsagt) har oppmoda henne om å innta sin plass i senga noko tidlegare. Kanskje var det nye handarbeidet eit resultat av folkevognskompleks, for faktum er at høgast står no ESCORT med ski på taket. - Ingunn er temperamentsfull, noko som oftast fører til håndgemeng i klassen. Ho har ein viss tendens til å komma seint og gå tidleg (dette gjeld skulen). Ingunn kan til sine tider synast vimsete, men ei orsaking finn ein kanskje i hennar motto: "Tatt av vinden". - Framtidsynskje: Å verta gift.
Kjell Eikefjord	Kjell Eikefjord levde eit anonymt tilvære inntil han anskaffa seg bart i andre klassen. Etter han fekk seg platespelar vart han heilt håplaus. Det vert hevda frå sikre kjelder at han har vorte observert på "Jarl" iført sixpence. Kvar dag mottar han haugevis med lyseraude brev frå sine mange triller. - Elles er han kjent for sine lange foredrag, med emne som strekk seg frå atombomber til ølbrygging. Det siste emnet har han prøvd seg på i praksis, men med mindre vellukka resultat. Den gode matematikaren fekk 5 hg gjær til å verta 5 kg. Resultatet vart ei ny atombombe. Elles kan vi nemna at Kjell har barndomsbilete av seg sjølv på utedøra pluss eit skilt der det står: "Forbode for strilar og katolikkar utan løyve frå grunneigaren". - Framtidsdraum: Verta foredrgasholdar!
Samuel Moe	Han som påstår sjølv å vera Årdøl, endå han lenge har hatt heimstad på Husnes. Hit til Voss kom han for snart tre år sidan, for å finna seg godt til rette på "gymmen". Men eit problem fekk han snart å hanskast med. Skulen byrja minst ein time for tidleg om morgonen, tykte han. Han var også ein av dei få som prøvde å vera oppriktig i meldingsboka, noko som vart liten suksess. - I politikken er han av dei glupe, og i diskusjonane er han ikkje lett å hamla opp med. Då tel han på fingrane, gestikulerer, og får på kort tid eliminert problema til nesten null. Har elles rette gløden når det gjeld målsaka, og er målmann på sin hals. - Motto: Bli betre i fransk. - Fast uttrykk: Ka grunn har du no for det?
Reidar Johan Tyssen	Reidar er ein triveleg Bolsdøling som lagar komiske lydar til stor irritasjon for hans medelevar. Både i tide og utide kan ein høyra hans musikalitet breia seg framover i klassen. Han er iherdig både når det gjeld skulearbeidet, og når det gjeld å delta i livets gleder. Reidar er ein roleg og kald type. Han spelar dragspel, og er spesialist på kassabitar. Ellers er han ein ihuga piperøykjar. Han er svært frostig, og har sine eigne meiningar om alt. Han er såleis imot at heimbygda hans skal få vegforbindelse med omverda. Reidar har store tankar om framtida. - Fast uttrykk: Øh. - Livrett: Rosinbollar.
Berit Karin Rødland	med tilnamnet Veslemøy (171 cm på sokkelesten) har vakse opp og levd sine barne- og ungdomsdagar på Bolstadøyri. Det er ein utkant av det store Vossaveldet. Dette har sett sitt merke på henne. Ho ber på eit kompleks på grunn av eit vantande samband med verda elles. Difor nyttar ho alle fridagar til å reisa til hovudstaden og andre sentrale stader. - Ho les høveleg mykje, går ikkje av vegen for ein kvass debatt, er æresmedlem i Strikkeklubben og går ihuga inn for kvinna si frigjering. Veslemøy har trekt så langt fram mot kateteret som råd og drøymer om å ta hoppet bak. - Sagt om Veslemøy: Ho kan tenkja kva ho vil, men ho seier det ho skal.
Kjell Ingvald Matre	Kjell er ein lang svarthåra kar frå "den solrike syden". Geografisk vil det seia Skånevik i Sunnhordland. Korleis dette "solskinnsbarnet" fann på å reisa til Voss, er ikkje godt å seia, men sjølv påstår han at han likar å gå på ski. Han hadde sett snø før han kom til Voss, seier han. - Kjell våga seg ut frå hybelen ein gong fyrste våren han var her oppe i fjellbygdi. Han traff då ei jente og sidan har han knapt vore å sjå på hybelen sin. Av dette må me ikkje slutta at han er særleg trufast. Nei, meir må han samanliknast med sommarfuglen som flyg frå blom til blom. Siste vinteren har Kjell vorte observert på "haiketur" til Myrkdalen, og rykta veit å fortelja om ei mørkhåra hulder han skal ha sett der oppe. - I klasse 3Ra har han vore ein bra kar å ha. Mange ukultiverte tilrop og (u)lydar kan sporast attende nettopp til pulten hans. - Toppen av skulekarrieren nådde Kjell ein norsktime, då han skulle lesa dikt. Dette gjorde han med slik rytme at heile klassen fyrst vakna, sidan sette me i å le. Dette tykte Kjell var lite pent gjort. - Freamtidsdraum: Reisa heim, laga blautkaka og koka kaffi.
Hans Ludvik Fromholtz	Ein påstår at Fromholtz si vogge stod i ein fotoforretning, og at han byrja fotografera då han var sju dagar gamal. I dag reknar han seg som fullbefaren fotograf og driv med meir eller mindre tvilsam fotografering med derpå fylgjande utpressing. - H.L.F. søv stort sett heile dagen, og er svært lite nøgd med timeplanen. Han går konsekvent inn for fem fritimar for dagen, pluss ein time med volleyball. Når det gjeld aktivitet etter skuletid, begrensar denne seg til å foregå innafor huset sine fire vegger, og pålitelege kjelder meiner han i lengre tid har gått inn for å få hunden sin interessert i fotograf-faget. - Fast uttrykk: "E da matte no igen".
Olav Mundal, Fjærland	Denne trongsynte og treffsikre karen som kjem frå Fjærland i Sogn (der dei ikkje har veg) er ein fargerik kar på mange måtar. Han har eit interessefelt som strekkjer seg frå "skjoting pao blink til skjoting tao røv" (Hans likemann finst ikkje). Olav syner ei enorm interesse for å bruka sin fysikk som åtaksvåpen, utan tanke på kva motparten og hans klær tåler. Denne karen er til sine tider sværæt sta, og sit seg fast på ymse diskusjonsemne der han har ei personleg meining som er den einaste rette. Grunnen til dette: 24 år og ferdig med militærtenesta. - Olav si livsform rommar skjoting, vald og hardleik, difor glir hans interesse for western-musikken berre inn som eit supplement i hans omtale. - Det som Olav skjønar, må alle andre skjøna, det som andre skjønar, skjønar ikkje Olav.
Halvor Østtveit, Voss	Denne karen høyrer til dei meir stillfarande i klassen. Han sit på bakarste pult og støttar hovudet mot veggen. I denne stillingen har han svært vanskeleg for å lata seg uroa om han blir spurd om noko, sjølv av lærarane. Han er elles den einaste i 3Ra som brukar reknestav i matematikken, utan at dette har hjelpt han noko særleg. I privatlivet er det svært vanskeleg å få greie på kva han driv med. Det har likevel sive ut at han er privat radio-operatør, og er aktivt medlem i Norsk Radioreléliga. Dette har vorte kjent ved at han ber eit lite merke i trøyeslaget, merkt N.R.R.L. Dessutan har han gjort enkle forsøk som organist. Heimstadadressa hans er ukjend. - Fast uttrykk: Eg veit ikkje, eg!
Bjarte Solaas	Med sin charme og salige glis er Bjarte den fødte politikar som ennå ikkje har fått sitt gjennombrot. Grunnen er delvis at hans parti "Den blå fane" ennå ikkje er stifta og at han har hatt andre viktige syslar å driva å driva med. - Han har forbløffa mang ein vossing i slalomløypa ved å bevisa at sogningane også kan køyra slalom. Hans glanstid i slalomløypa vart diverre kort, men hektisk. - Fram gjennom tidene har mange merka seg hans glis og charme, og mangt eit hjarta brast, og så brast Bjarte sitt eige hjarte med. - Motto: "Better dead than red".
Lasse Sælthun, Lærdal	Som overskrifta seier, er han ein ekte sogning. Merkeleg nok, etter tre år, har han ennå ikkje fått augo opp for "alle dei" høve til fritidssysler Voss har, som t.d. sport, Solglytt, Gnist-ten, osv. Spør du han ein dag kva han synest om turiststaden, vil du sikkert få slengt i deg ord som: "Drrriiiitplass" og likn. Likevel har han hatt minnerike og hugnadsame stunder i dette holet. Der det er "liv og leik", "sus i serken", "hæla i taket", så vær sikker - Lasse er der. - Han er elles ein kjekk og grei kar, og han har eit godt drag på jentene, god kontakt med lærarar og rektor. - Kommentar: Har verdas største skittentøypose under senga. - Motto: "Ein kan aldri vita, men eg veit." - Juleynskje: Stor familiedeodorant (spray). - Hobby: Dreven laksefiskar, jenter.
Finn Magne Petersen (Manne)	Han har utvikla seg kolossalt sidan han byrja på gymnaset. Noko det lange håret hans viser tydeleg. Elles er Finn Magne kjend for å komma med råkande og korte svar i fleire munnlege fag. Han tykkjer spørsmåla er for idiotiske til å svara noko på i det heile teke. Dermed nektar han å seia eit "skarva" ord i protest. - Finn Magne et middag på Vangen Café i lag med Søderberg. Vi har fått opplyst frå sikre kjelder at dei tel etter kven som har fått flest erter til middagen. Elles vert det hevda at Finn Magne truga med å begå sjølvmord då Beatles vart oppløyst. Til slutt kan ein nemna for interesserte at Finn Magne har ein god sans for livet sine mange materielle goder.
Leif Erik Solvi	Han er fødd og oppalen på tekstilfibrar frå Dale Fabrikker, og han er såleis også strykefri. Han har sidan hatt den lagnad å havna på Voss der han har ført eit utsvevande liv. - Han har synt overlag stor dugleik i å springa (etter jenter) og har såleis oppnådd å springa til seg både farskapstittel og medlemskap i Vossar. Leif har deltatt ivrig i selskapslivet, men nyt no ekteskapets gleder. Miljøskadd som han er, hevdar han no at han er garva vossing. - Framtidsdraumar: Omvenda dalingane til å bli vossingar. - Fast uttrykk: Og så, og så, ..
Erik Søderberg	Erik har bullworker og greie på musikk. Hans progressive utsjåande røpar straks hans smaksretning innan musikken. Han spelar Hammond-orgel, men kom til å slå igjennom som debattant i klassediskusjonar. Her gjorde han suksess alt frå fyrste dag med ein særeigen diskusjonsteknikk og sin knusande argumentasjon, der kraftuttrykka "grådig og fæla guff" vert mykje nytta. Erik har ein gong for alle prova at også ein gymnasiast kan ha vilje og karakterstyrke. Han slutta nemleg å røykja etter prisauken i vinter. Erik drikk raudbrus i storfriminuttet og begrunnar det med at dei andre brustypane så ofte vert misbrukt. Han er fødd og oppvaksen på Vaksdal, men verkar elles stort sett normal. - Ståande uttrykk: "Fæla guff i store byar."
Arne Rør- bakken	Den karen det her er snakk om, er eit unikum av ein realist, med mange særpreg. For det fyrste har Arne gløymt å skriva av dei to siste års timeplan, slik at den frå fyrste året med 8-10 fritimar har vorte brukt til "the bitter end". Denne karen har også vore så heldig å møta opp eit kvart for seint til fyrste time med smekken open. Kva slikt skal tyde, er uråd å seie, men han sjølv påstår å ha gjort det heile med vilje berre for å sjå reaksjonen. (Alt dette bryet for berre 4 ugifte jenter ??? Nei, den går ikkje.) - Arne er ein humørfylt kar og er alltid med der noko hender (ikkje på fotballbana). Han er for fysisk utfaldelse, men det hender at han brukar den i utide (stakkars Reime, vår gymnastikklærar). Her manglar det heller ikkje temperament, sjølv om utbrudda avgrensar seg til lite uarfymerte uttrykk. - Som tidlegare aktiv idrottsmann er han ein av dei mange som talar mot rusdrykk og nikotin. (For dei som lurar på kven det her vert tala om, så er det fortsatt Arne Rørbakken.) Elles har Arne få faste haldepunkt her i livet, men som eit ordspråk seier: "Når trongen er størst er også nøden størst." (Det var noko liknande i alle fall.)
Jan Erik Matre (L'agent de police)	Jan Erik er fødd og oppvaksen i Skånevik, også kalla "Sunnhordlands perle", noko han ikkje legg skjul på. Då han byrja på gymmen, tok han straks aktivt del i arbeidet med å betra drikkeskikkane blant gymnasiastane, noko han snart laut innsjå var nyttelaust. (Jan Erik er framleis avhaldsmann.) Jan Erik er også blant dei som var så uheldig å falla for "det annet kjønn". Det må ha vore eit svært stygt fall for han har også gått "hen" og trulova seg, og telegrambyrået "Fant" kan også opplysa at det ut frå Jan Eriks vindauga ofte går flygeblad som alltid tek sørleg retning. - Elles er Jan Erik ein av dei få som ikkje har tatt alvorleg skade av åra på Voss, noko ikkje alle vossingar kan sei om han. Jan Erik har aldri hatt kontaktvanskar (helst det motsette) og ein mørk kveld han var ute og køyrde bil (noko han likar) fekk han litt for god kontakt med ein vossabil på Hestavangen. - Fast uttrykk: 11, 10, 9, 8, 7, 6, 5, 4, 3, 2, 1. Heim - Framtidsdraum: Hadde jeg vinger så ville jeg fly (sørver).
Ole Fretheim, Voss	Ole vart fødd i Sogn, noko han kunne klandre foreldra sine for. Ole er ein god vossing, men når han har "julingen" (feelingen?) kjem sogningen fram i han. Dette har synt seg i ein noko ukontrollert språkbruk, og primitiv framferd. Særleg kan ein legge merke til brøling og "råsynging" av "nasjonalsangen". "Eg heiter Ole Fretheim." - På skulen er Ole sin største skrekk fransk. Han er ein dei (få) i klassen som ikkje beherskar bruken av orda oni og non. - Frå den djupe dvalen Ole gjekk inn i for tre år sidan, vakna han brått fredag 8/1 då han oppdaga at eksamen ikkje var langt unna. - Under ein diskusjon i badstova skal Ole ha sagt at gymnaset er ein utviklande skule for dei late, og ein elendig skule for dei ivrige. - Særmerkte kjenneteikn: Plattfot, og hår under øyro. - Motto: Uhara uttales med o-lyd. - Største ønske: Å få bort militærtenesta.
Arne Helle, Vaksdal	Stor Vaksdal-patriot med mjøl som det gjevaste auga kan sjå. Har i det seinare synt diktartendensar. Slår ofte ut i full blomst i norsktimane når keisemda vert for stor. Seier sjølv at han treng avveksling frå Eddadikt og stevjing. - Arne kan ikkje fransk. Faget står ikkje lenger på timeplanen hans. Der står det mat, og ingen veit kor mange små brus og skillingsbollar det har gått med. Rett skal vera rett, han las ein gong på dette uskjønelege språket i januar månad, men då overanstrengde han seg tydelegvis, for det har ikkje gjentatt seg, og takk for det! - Fast uttrykk når klokka nærmar seg tre: "Det blir nå aldri middag heller!"
Gunvor Sønnesyn, Voss	Gunvor: Stillast vatn har djupast grunn. - Det er band for talen, men ikkje for tanken. - Klokt hovud under - open himmel. - Annsam hand gjer rik. - Ein skal skunda seg, men ikkje forskunda seg. - Vitet sparer slitet. - Arta sit i ingeniørungen, når ho kjem inn ser ho på tak-konstruksjonen. - Det er inga sein vinne, å strikke og tvinne. Gensar som kjole, alt treng spole. - Ein får vona det beste, det verste kjem av seg sjølv. - Den beste gleda varer lengst. Det er godt med to øyro, so kan det gå inn det eine, og utatt det andre. - Verda er som ein tek henne - altså går ein på Vangen og kjøper "Gadn" i storfrikken . -
Toril Ringheim	Ei grei og fornuftig vossajente som tykkjer alt er stort og flott på Voss. Har vist at ho er eit skjult talent i realfag, som fyrst på "gymmen" har slege ut i full blomst. Syner gong på gong at det ikkje berre er det mannlege kjønn som er født realistar. Har også i løpet av sin skulekarriere vore så heppen å treffa den rette, ein Don Juan som flaut over Sognefjorden i eit mjølkespann. - Er også ei av dei få feminine i 3Ra som torer seg frampå i diskusjonane, men er oftast oppteken med strikketøyet i timane, og ingen veit heilt sikkert kor mange gensarar som er blitt ferdige i løpet av skuletida. - Har som motto: Kombinera husarbeid og skule. - Fast uttrykk: Neiii, da é no ..
Arne Hosaas	Hosaas er ein storpolitikar (trur han) frå Stanghelle. Han er med i AUF og har vore svært fornærma sidan regjeringskrisa då han ikkje vart nominert som statsminister. Hosaas er lett kjenneleg med svart kinnskjegg og blått sjal. - Hosaas mediterer heile dagen, men vaknar opp av og til og kjem med voldsomme og ukontrollerte utrop for sosialismen på dei mest uventa tidspunkt. - Hosaas har hytte på fjellet. Til denne hytta legg han helgeturar, men ingen har fått greia på kva han driv med der. Elles er det lite å seia om Hosaas då han fører eit hemmeleg og tilslørt privatliv. - Standaruttrykk: "Nai, so supe, da visste eg ikkje."
Inge Rørvik (Sjar- møren)	Inge har krøllar og fotballskor med lausknottar. Han ligg under for fleire alvorlege laster, blant anna har han ei stygg form for hyttemani som gir seg utslag i nervøse ansiktsrykkingar når han merkar at laurdagen nærmar seg. Det vert dessutan hevda at han er økonomisk anlagt og har greie på politikk, men dette er aldri vorte prova. Inge har aldri skikkeleg forstått kva som er bak og fram i eit klasserom, og difor sit han stort sett med ryggen til læraren og ansiktet vendt mot ho Ingunn. Andre hevdar derimot at det ikkje er orienteringsevna det er noko gale med, men at han i denne særeigne stillinga får forundervisning i strikking. Andre forklaringar har òg vore oppe, men spesielle omsyn gjer at dei må utelatast her. Inge er vel bereist, og har blant anna vore i Ulvik. Det er sett ut fleire ondskapsfulle rykte om han Inge det siste året, men dei må kategorisk avvisast og stemplast som simpel bakvaskelse, då det for lengst er påvist at han også nyttar nettene til å sova i. Hans bleike utsjåande skuldast ikkje mangel på søvn, men det faktum at han er ein ivrig blodgjevar. - Ståande uttrykk: På Kaland
Kjell Erik Gravning, Voss	Då den noverande klassen 3Ra byrja her ved gymnaset, sat det ein roleg, alvorleg, "vaksen" kar midt nedi klasserommet. Han hadde tillaup til svart skjeggvekst og vart difor vald til tillitsmann. Dette gjentok seg ikkje. - Klassen kan rosa seg av å ha ein diplomat, nemleg Kjell Erik. Han er einig med alle (også lærarane) i alt dei seier. Sjølv svarar han ja og he - - , så ofte han berre kan. - Kjell Erik har jobba på elektrisk forretning. Der skaffa han seg den tekniske innsikta han sidan han imponert med. Høgdepunktet i skulekarrieren sin nådde han då han fekk skru på den elektriske kontrolltavla i fysikksalen. - I det siste har det vore vanskeleg å få Kjell Erik i tale. Han har nemleg "funne" noko i 3Mu, ja, for å seia det rett ut, så er det ei jente. I og for seg er ikkje dette heilt unaturleg for ein sånn "pen" gutt som Kjell Erik, men, men .. friminutta skal nyttast til å dra frisk luft. - Kjell Erik er ein pasjonert piperøykjar, men kvifor han brukar slips på skulen, er det ingen som veit. - Vane: I kvar skuletime å komma med eit velforma spørsmål som ikkje har interesse for nokon. - Tittel: Elektroingeniøren.
Norvald Skjoldli	Norvald er frå Palmafossen, men kan vel kanskje ikkje reknast for ekte vossing, då han ikkje er særleg oppglødd for smalahovud. Dristar seg av og til til å koma med ein to-hjular på skulen. Etter ein front mot front kollisjon for tre-fire år sidan, er han vorten 10 cm kortare, og er ikkje av dei høgste i 3Ra. - Men det han taper der, tek han att på skulen med såkalla "åndeleg høgd". Ivrig fotballspelar. Hadde i sommar på banen fleire mislukka forsøk på å sparka hol i lydmuren. Norvald har ikkje delteke aktivt i politikken, sjølv om han har sine meiningar. Miste kanskje litt av lysta i fjor då han vart nekta å sleppa inn på landsmøtet som kommunistane heldt på Voss, fordi han ikkje hadde raudt slips. - Framtidsvon: Å verta ordførar i Voss kommune.
Per Nordmark	Dette er ein hardtrena sportskar frå Vaksdal (kanskje meir hardtrena for tre år sidan!). Det siste året har han nytta seg av fridomen hybellivet byd på, men om dette har vore til fordel for Per ligg det ikkje føre noko prov for. Per er stort sett roleg av natur, sjølv om han også kan visa seg å vera det motsette, - liksom naturen sjølv. - Interesser: Alt som har med fysisk oppfostring å gjera. - Framtidsdraumar: I: Å få fransk som morsmål!!!! II: Å sykla frå Kirkenes til Vaksdal.

TILBAKE TIL HOVUDSIDA 

---

Avisa -- Klasse 3Rb

 

 

Rune Kvarekvål - Gjernes	Dersom nokon ser ein raud "bil" med grøn dør på Vangen eller Palmafossen, så er det ingen tvil om kven det er. Det må vera sjarmøren frå Gjernes: Rune. - Han er ein smart, men mindre pliktoppfyllande gut. Dessutan er han farlig! I fjor sommar gjorde han eit modig forsøk på å rydda ut befolkningen på Voss med olja i det ellers så gode drikkevatnet. - Rune etlar verta sosialøkonom - det vert av same grunn spådd dårlege tider for norsk økonomi. - Yndlingsnavn: Hinn Ritlene.
Helge Lindberg "Raundalens skrekk"	Helge har ved fleire høve utmerka seg med sine inngrodde tankar om verda og seg sjølv. Han er eit reinbarka høgfjellsprodukt som likar BEATLES, BORTEN og MJØLK. Han er A-menneske, les ordentleg på leksene, og er å sjå på skulen kvar dag han ikkje kjem for seint til toget. Helge er måtehaldsmann, og er såleis ikkje å sjå ute etter klokka sju. Han har eit vakkert glis som han prøver å scora på i mattetimane, men utan særleg lukke. - Yndlingsdrykk: Varm, fersk, kvit, skumma kumjølk.
Knut Karevoll "Tvisynet"	Knut har dei same initialane som den ikkje ukjende Klara Klok, og sjølv om han kanskje ikkje veit like mykje så veit han i alle fall korleis han skal få i gang ein diskusjon, nemleg ved å hevda det stikk motsette av det dei meir rappkjefta kjem med. Såleis får han med sitt gode humør og sine treffande replikkar pultslitaren framfor seg til å vrengja både hjerne og hjarta ettersom dagsformen er. Knut er fødd i Åsane og er B-menneske, dette har sett sine merke på han i form av eit flakkande vesen som pendlar mellom heimen, fysikksalen og eit herverande dicotek, båe med og utan krykkjer, ofte i ei lyseblå folkevogn med halvanna dør. Elles fører Knut eit normal liv i samsvar med alle lover (fysikklover unnatak fartslova). - Motto: Det er betre med ein stock i handa enn ti i skogen.
Gunnar Langeteig	Som namnet tilseier er Gunnar ein heller lang person ("Langen"). Dette har gjeve utslag i trege reaksjonar, bl.a. å koma seg på skulen kl 9.00. I sitt fyrste år på Voss melde han seg inn i "Vossar", noko han har hatt stort utbytte av seinare då han gjekk over til å springa ute halve natta full av energi. Gunnar har eit særmerkt glimt i auga som han scorar stort på om kveldane, dette har gjort at han som oftast har vore å finna hjå Bolstad etter skulen, og i nedre del av Elvegata ved midnatt. - Spesialfelt: Fortelja "slipesteinvitsar" i badstova.
Torleif Larssen, Voss	Torleif tok artium i år. Til opplysning er den artiumen ikkje å forakte, så den som har ein godt betalt sumarjobb å tilby han kan henvenda seg der, han er interessert. - Torleif er knapt vorte lektorane på artiumskolen svar skuldig, vert det sagt, og det er nærliggjande å tru at årsaka ligg i at han sjeldan er å sjå ute på Vangen etter skuletid. Men dei som kjenner Torleif veit at det ikkje berre er lekser som sit i hovudet på den guten. Av plassmangel kan ein ikkje koma nærare inn på det her, men det vert snakka om - bilkøyring, musikk, symjing. - Kjenneteikn: Ein glad gut. - Ønskedraum: Å nå lyshastigheten.
Brit- Kristine Hjeltnes	Ho heiter Brit-Kristine, men faktisk insisterar ho på utnamnet "Søssa". Ei merkeleg jente! Frå Finse er ho - det steinharde klimaet har sett tydelege preg i hugen hennar, og det speglar seg av i heftige diskusjonar over alle emne. Sine bestemte oppfatningar har ho av korleis verdsbiletet skulle sett ut, men heldigvis har ho ikkje fått stemmerett, enno. - Som ballettdanserinne prøvde ho seg i høst ein gong. Det gjekk -- ikkje så bra, men ho vant publisitet med det også. Eineståande er det at ho har oppdaga ordets og bøkenes makt, og ein har ein liten mistanke om at ho har kløyvd atskillige bøker. - Med østlandsk/trøndersk dialekt seier ho som regel innledningsvis: "Det ville jeg si -".
Thor Hevrøy "Francis Bell"	Ein kan ikkje alltid finna på det rette om denne karen, mykje avdi alt han finn på er vél gjennomtenkt på førehand, men kanskje mest avdi han gjennomfører alt han finn på. Soleis kan ein seia Thor er ein mønsterkar ikkje berre i klassen, men også når det gjeld lauslivnaden nattestider. Den verste opplevinga han har vore ute for, var då han ein laurdags ettermiddag trefte mattelæraren inne hjå Geitle. Dette har sett djupe merke i hans seinare oppførsel hjå denne. - Motto: Skal det vera så skal det vera. - Yndlingssong: Eg hadde ein gong ein draum. - Fast uttrykk: Man tek dei neste gong.
Malvin Hillestad	Stille og roleg fyr, den ideelle realist, som ikkje har vorte freista av utsekiingar. I og med at interessene hans, utanom lekslesing, går i sportsleg retning, er han klsassens kondisjonssterke gutt og viser styrken sin i basketball, der han er nokså brutal. Elles er det viktig å nemna at han er mellom dei fotballinteresserte (fans) i klassen. Denne interessa dyrkar han som eit tilvalsfag, for då fører han fortball-journalar og puggar tabellar til han er raud i toppen. - Fast uttrykk: Er Shoot (Goal) kome? - Yndlingsuttrykk: Everton!! - Framtidsdraum: Dekkja veggene i rommet sitt med bilete av Everton.
Ove Røsland	Ein lyshåra osterøying med støvlar av geiteskinn. Er ganske selskapssjuk, truleg på grunn av sitt lange liv som hybelbuar. Han han ikkje hybelbesøk, er han difor gjerrne å finna på dei vanlege samlingsplassane for gymnasiastane på Voss, utan å nemna noko spesielt. Glir bra inn i skulesystemet, sjølv om han i spesielle timar ofte vert etterlyst. Dessutan har han eigne bestemte meiningar om korleis ting skal gjerast, diskuterer gjerne, og kan bli hissig (gymnastikktimane). Saknar vekkerklokka med forsterkar. Av det kan ein slutta at han søv trygt, om han snorkar veit eg ikkje, det er det sikkert mange andre som kan svara betre på.
Brit Solveig Fosse, Dalekvam	Brit er ei glad og munter jenta frå Dalseiddalen. Ho har berre skeia ut éin gong på gymmen, og det var like etter at ho flytta til Voss. Ho tåltetydelegvis ikkje å stå på eigne bein. Både før og etter skuletid rasa ho rundt i ein lågtflygande Opel. - Elles har ho vore ei av dei få aktive i volleyballaget der ho har fått utfolda sine mangslungne undertrykte behov. Sist sommarferie utvida ho det tyske ordforrådet sitt, og dette har me einare vorte plaga med i tide og utide. . Fast uttrykk i fransktiane: "Eg kan da ikkje." - Hobby: Rallykøyring i Bergsdalen.
Jørn Thomassen	Jørn er ein heller liten, men likevel rugande oppkomling frå Dale city. Med sin likeframme og treffande tale og sitt relativt rolege vesen, skil han seg vesentleg ut frå dalingane elles. - På skulen har han synt seg å vera ein ekte realist, og han brukar difor fransktimane til heilt andre føremål enn det som kunne vera ynskeleg frå læraren si side. Jørn kan kunsten å slappa av. Dette prøver han å visa for medstudentane sine, særleg då i fyrste timen mandagen. - Elles er Jørn ein beundrar av "dei sterke gutta", og han ligg følgjeleg i intens trening for kanskje ein gong å kunna bli sjølvaste Ravndal lik. - Standard uttrykk: "Skjøna du noke?"
Rolf Magne Skippervik "Skipper'n"	Skipper'n het han og gråt da han ble født, tror jeg. Utrolig men sant forvillet han seg en gang i fortiden opp til Voss, og har nå tilkjempet seg en plass i Russeavisen, som vi alle vet hva innebærer. Lærerne her ved Latinskolen oppfatter denne Skipper'n, eller også populært kalt "Truls", med delvis rett, som en rolig, beskjeden og kjekk liten gutt, men etter tre års bekjentskap har vi lært ham å kjenne som et ikke så betydningsløst individ som det kan høres ut. Særlig for meg har han vært til stor glede, da hans brede rygg har skjult mang en åpen bok under eksamineringen fra lærerens skarpe øye.
Ingrid Bjørke, Voss "Monsieur"	Optimistisk Haugamo-jente med humør som alltid ligg over nullpunktet. Etter eige utsegn er ho ikkje ekte vossing, då ho etter inngåande ættegransking er komen fram til at ho er ein brøkdel svensk. Ingrid er svært oppteken med ymse aktivitetar utanom skulen, og det hender difor ikkje sjeldan at ho sovnar ifrå leksene. Fylgjeleg har ho ikkje problem med å få timane til å gå, då er ho ivrig oppteken med framhaldet av lekselesinga. Etter ein nevekamp med gymnas(tikk?)lærarinna har Ingrid ei tid vore delvis handikappa. - Fast uttrykk: "Ka va da han sporde om?" - Framtidsvon: Hopp på akebrett jamstelt med skiflyging.
Margot Våge, Vik i Sogn	Margot er ei stille og beskjeden sognataus. Ho er ein av dei få som ikkje havna på gymmen ved eit uhell. At ho er litt av eit særmerkt menneske kjem fram når det vert fortalt at ho likar spesielt fransktimane. Om det er faget eller noko anna, skal vera usagt her. Så vidt vi veit har ho til denne tid ikkje brydd seg om at ein (eller annan?) har vorte dåra av å sjå inn i dei klåre dadyraugo hennar. Elles har vi medelevar hatt til dels store vanskar med å forstå det særeigne språket ho fører. T.d. e, i, y = i, i, i. Men då ho er svært påståeleg, skuldar ho oss for ikkje å ha gode nok språkøyro. - Framtidsvon: Å verta fast ansatt hjå yrkesrettleiaren.

TILBAKE TIL HOVUDSIDA

Avisa -- Klasse 3E

 

Reidun Roe, Dalekvam "Olivia"	Dette levande er det få som har sett maken til! Ho får sjeldan armar og bein til å samarbeide, og resultatet er skingrande hyl og hysteriske utbrot til stor fagnad for oss andre. Det vart hevda ein gong at ho brukte vetet sitt feil, og etter det har Olivia mist kontrollen. Ho bur saman med Frøyen i Haugamoen, og samlar til langt hår. I gymnastikk-timane har ho tillagt seg ein spesiell stil i høgde med tilløp som gjer resten av jenteflokken til reine nervebuntane. Ingen veit på førehand om høgdestativet vil overleve. Ho har sans for det djupe, men kjem aldri djupt nok. - Hobby: Brokut kjærleiksliv. - Fast uttrykk: "Eg datt i vinterferien, SANT!?! Gu ko ækle de e'!!"
Oddvar Engan, Vik "Fransktime- hypo- konderen"	Oddvar ble i fødselen keivhendt, men har i politiske diskusjoner slått med den andre hånden. Ladet opp på hjemmebane i de 17 første årene. Denne tiden så han på som en modnings- og grotid for fremtidige oppgaver på gymnaset. (Skjebnesvanger feiltagelse!) - Har håp om å bli myndig om 4 dager. (Bortreist på dagen! Ønsker ikke roser; pleier å kjøpe inn etter hvert.) - Høyde: 1,72 (nr. 54 helfet i dress!), mørk blond, men spiser bananer og bruker transpirasjonsvann. Man sier han er pen. - Interesser på nesten ingen områder, men kanskje musikken fenger han mest. Selvstendighet prøver han også å oppnå. Hans mest brennende ønske er å komme i kontakt med en sensuell pike på omtrent samme alder. - Han klarte aldri å kopiere sin etternavnsbror Toralfs bedrifter i hoppbakken, men har derimot vist unike evner som avhopper.....-- Mål i livet: ca. 70 cm. (Sign.: "Løwekjæks")
Lars Sætre, Voss "Kjæks"	Det er nærliggende å tro at den forannevnte blev et faktum (zygote) i anledning ettårs-jubiléet for Det norske kongerikes inntreden i NATO. Til tross for sin noget krigerske tilblivelse viste gutten gjennom voksterårene aldri krigerske tendenser. Hans favorittkost har alltid vært "Kaptein" kjeks og melk. Her er at bemerke at Kjæks' drikkevaner under hans 3-årige gymnasium-opphold er blitt til dels totalt forandret. -- Omtaltes humor kan virke noget sprø, men Kjæks' innvidde vennekrets omtaler hans produkter som knakende gode. -- Tiltalte hadde en gang en knallert. Etter eminent hjernearbeid kom han likevel til at det norske samfunnet ikke kunne tolerere knallertkjøring på hans premisser. Solgte derfor knallerten og begynte å h-hangle og gå.
Karen Margrethe Ravndal, Voss "La sportive"	Langt, elegant hokjønn frå Ullestad-kanten, der ho residerer i ny enebolig. Har i ungdommen farta rundt på dei fleste militærforlegningar, noko som først og fremst dialekten har teke skade av (samnorsk spedd på med skarrande r-ar). Sidan ho er oppalen uner militærdiktatur, finn ho seg godt til rette med skulesystemet. Har slått seg på handballen, noko som særleg går ut over dei siste laurdagstimane. Dessutan ventar ho på gjennombrotet i ridesprang og dragonavsprang (m/ dempa bakgrunnsmusikk). Påstår sjølv at ho interesserer seg svært for hestar (dekknamn) og riding, men det verkar likevel som om ho tek alt med Ro(ald). -- Faste uttrykk: 1. "Fy søren!" - 2. "Himmel og hav!" --- Etter sundagar: "E' e' så trøtt. E' va' i Bergen i går." -- Høgste ynske: Handball med fartsstriper.
Bjørg Lingjerde, Palmafossen "Det smilende spørsmålstegn"	Bjørg er stille og roleg som palmafossingar flest, og etter tre år ved Voss Gymnas er ho framleis eit ukjent fenomen i klassen. Men sjølv om ein kjenner lite til utelivet hennar etter skuletid, veit ein at ho ferdast i ymse skulelag om kveldane. -- Ho har omsider lært seg den store kunsten å køyra bil, -- -- orsak --, folkevogn, men brukar likevel ivrig føtene (til å gå på). -- Bjørg har eit strålande, naturleg smil (ho har også naturlege krøllar), og er alltid i godt humør, noko som smittar over på alle som kjem henne nær. -- NB: Bjørg er ei av dei få som ikkje strikkar i timane. -- Leveregel: Betre med ti på taket enn ein i handa.
Kirsten Hernes, Granvin "Den impulsive"	Lys Granvins-jente med store mål i livet. Helst ville hun bli brannbil, men da hun ikke kan fordra rødfargen har hun gitt opp denne planen. Kirsten er et flittig medlem av strikkegjengen, og Olafson var til stor inspirasjon for henne da han satt vis-à-vis. Men da Olafs trakk seg tilbake, gikk Kirsten fra konseptene. Resultatet ble fem ermer på en genser, før det endelig lyktes henne å få to like (en forskjell på 4-5 cm i lengde og bredde blir regnet som bagateller). Sin største bedrift sto hun for en vinterkveld i 1968 da hun fortalte to vitser som fremdeles er uoppklarte. -- Ellers er hun veldig interessert i ananas og kunne godt tenke seg å dyrke disse frukter. -- I kritiske situasjoner kan hun ved hjelp av ville ansiktsuttrykk og hysterisk ordbruk få hvem som helst til å gapskratte. -- Ønskedrøm: Få fregner rundt nesen. -- Fast uttrykk: Jeg synes det er deilig jeg.
Aud Synnøve Almendingen, Voss "(M)asa"	Aud er fødd på Voss, men har gjennom oppveksten ført litt av eit nomadeliv. Berre to månader gammal tok ho familien med seg og flytta til Jæren. Etter nokre år fekk ho heimlengt, og først då ho kom attende til Voss etter andre mellomlandingar fekk ho (tilsynelatande?) endeleg sjelefred. -- "(M)asa" er ein stor dyreelskar, og er ofte blitt observert i enden av eit hundeband. I andre enden kan ein oppdaga eit svartkrølla nysta som ho sjølv hardnakka hevdar er ein puddel (truleg den mest bortskjemte på heile Voss). -- Aud har (u)kunstariske evner som ho, saman med sine kjære venner, tusjpennen og passaren, utviklar i dei fleste timane, og når inspirasjonen riktig kjem over henne, resulterer det ofte i at både skulebøker og pultar blir dekorerte. -- Dessutan har Aud med sitt strålande humør og sjarmerande smil ei eiga evne til å ta innersvingen på alle sure lærarar, til stor glede for medelevane i 3E. -- Fast uttrykk: "Va da meg han spurde?"
Lena Lingjerde, Voss "Inger Helene-Folkevogns-drosi"	Denne lyshåra tausa kom til verda naken og tannlaus i ei stor dobbeltseng på Gjernes, og vart såleis dårleg miljøpåverka heilt frå byrjinga. Var i si tid ein ivrig gjest på alle bygdedansar (hadde spesielt godt tak på reinlendaren), men har no parkert og ofrar seg heilt for ein teknisk student med folkevogn. Ho har greidd å lura til seg vogna både tidt og ofte, spesielt når den er i ustand. På skulen merkjer ho seg ut med ei ovleg stor nistepakke, og ho forsyner heile vindaugsrekkja med kaffi på termos. Er som regel søkklasta på vegen til skulen (med mat). -- Faste uttrykk: "Dao vatt eg so føbadna!" - "Ka fø noke, ska med ha leksa?"
Einar Rune Bogstad, Høyanger "Desertør"	"Frk. Størsrud sin yndling og syndebukken til resten." Samfunnsfiendtleg skifantom som jogga rundt på gymmen i 2 1/2 år før han pigga av. Går med joggesko året rundt, men tek dei av i symjebassenget. Har oppfunne ein ny symjetype, som han ventar seg det heilt store av. Den går ut på å drikka seg fram gjennom vatnet. Driv for tida med undervannsbutterfly. Nyttar tida til trening, forbanningar over skulen og vellukka (innbiller han seg) sitat av Nordfjordshovdingen J. Skinlo (kompis). Mest kjende døme: "Han hang i galgen og de digre ørene blafret i den stille morgenvinden. Og kjødet var ille ved." Har òg greidd å vippa lærarrådet av pinnen ved å føreta hårreisande ekskursjonar til Hardangerjøkulen (utan permisjon). OBS: Driv med skuggeboksing i søvne. Advarsel: tek svingane på to hjul.
Solveig Marie Vikøren, Framfjorden "La Mystèrieuse"	Ei tilsynelatande stille og roleg Sogne-jente som etter nokre urofylte og spanande ungdoms(skule)år reint tilfeldig hamna på Voss. På grunn av hennar noko anonyme holdning i det offentlege livet er det få i 3E som har kome denne jenta inn på livet. Ordtaket "taushet er gull" praktiserer ho i dei fleste skuletimane, då ho er oppteken med alt frå strikking til "fintenking" (emne ukjent). Ein kan seia kva ein vil om Solveig, men ho er ein av dei få som kan forsegla munntøyet sitt og høver såleis godt som objekt for "intime betroelser", noko som har vore til stor trøyst for mange. Kvar fredag kan ein observera henne i travgang til og frå biblioteket, og kan av dette slutta at ho finn hugnad i lesestoff av eit anna slag enn pensum. -- På grunn av manglande pålitelege opplysningar er det uråd å koma inn på privatlivet hennar. Solveig er eit forundarleg vesen og såleis umogeleg å karakterisera -- ho må opplevast. -- Yndlingsmelodi: "Wanderin' Star". -- Framtidsdraum: Evig turist.
Liv Bergo, Ulvik i Hardanger "Den tilslørede Bondepike"	Liv stammar frå godt norsk bondemiljø, men etter nokre år som ivrig deltakar i festlivet på Voss er ho blitt miljøskadd. Med gule lokkar og rosenraud munn smiler ho seg gjennom trøytte skuledgaar og viser stundom genert fram ei blå tann. -- Denne møya (?) har ein svært livleg fantasi som har gjort seg praktiske utslag i alle sortar strikketøy og klesplagg. Ho drøymer ofte og godt, og helst då om franskmenn og handelsskulegutar. Liv kan til og med konkurrera ut Æsop når det gjeld å fabla. -- Denne smørblomsten i 3E er stille og svært blyg i timane, men strikketøyet gjev henne uvanleg mot i tunge stunder. Liv har store plan(t)ar for framtida og drøymer om å erobra alle utanlandske franskmenn i alle land. -- Fast uttrykk I: "I'm on the road to destruction." -- Fast uttrykk II: "E'kje da brev te meg i dag?"
Åshild Mari Bakke, Dalekvam	Upatriotisk Dalejente som kom til Voss med eigne meiningar og mange prinsipp. Ho er etter dese 3 åra blitt nokså rundslipt, og tek no del i festlivet (og alt anna liv). Ho vart tidlegare mykje observert saman med ein type frå provinsfylket nordanfor oss, og har no flytta inn på hybelen hans (er det anna å venta enn at han er reist?). Ein gong skulka denne jenta skulen, og etter det passar ho alltid på å vera innandørs og utan ski på beina når ho er vekke (for å unngå "tvangslesedagar"). Ho har saman med Frøyen som yndlingshobby å få "Roå" til å missa fatningen. Er erklært skule- og leksehatar og sympatiserer ivrig med desertørar. Nyttar dessutan kvart høve til å stela bilen til faren. -- Framtidsdraum: Å få sjå Ard Schenk i badebukse ein gong til!
Kristi Marie Tverberg, Ygre	Her behøves ingen kommentar.
Marta Haga, Samnanger	Roleg og grei 19-åring som har gøymt seg bort i ein kjellar langt oppi Rognsbakkane. Når ho er ute er ho å treffa på Ringheimskaféen eller på Jarl. Det er sjeldan ho skeiar ut, og dersom ho gjer det er det helst i et skjulte. Av og til vert ho gripen av heimlengt, og me har høyrt rykte om at ho tek det att når ho er heime. Då ser ho nemleg på fjernsyn. -- Marta er aktivt medlem av naturvernet, og ho prøver fånyttes å få venninnene til å følgje hennar eksempel. Elles har ho store vanskar med å komme tidsnok på skulen. I skuletimane er ho svært lågmælt til stor irritasjon for lærarane. -- Fast uttrykk: "Uff nei!!" -- Framtidsdraum: Å ta sertifikat.
Margret Frøyen, Kalvåg "Maggie"	Margret kjem frå ei "forblåst" øy nord for Florø, og har mange gonger prøvd å overtyda folk i 3E om at ho ikkje bur på eit skjer (noko som sjølvsagt har mislukkast!). -- I den første tida på gymmen torde ho ikkje gå med briller (påtatt beskjedenhet!) og det resulterte i at ho forelska seg i ein Raundøling. -- Etter at ho fekk brillene var det for seint å ombestemma seg, så no er ho trulova. Kvar dag i andre friminuttet slest ho seg fram til postkassa og hyler: "E dar nåke frå Nidaros?" -- Støttar ivrig opp om alle festarrangement, og stiller gjerne til disposisjon ved eventuelle Jarl-ekskursjonar. -- På skulen er ho etter kvart blitt "immun" for terginga til Haukaas og Sætre, og ho har lært seg til å ta att med same mynt. -- Tidlegare hobby: Gå på fotballkampar. -- Forbilde: George Best. -- Sengeleketøy: Gamle og nye brev.
Sigrun Kvernhuvik, Voss "Tulla"	Sigrun er ei av dei siste adelege i Noreg som køyrer frå kongsborga på Øvre Fenne til skulen i herskapsvogn (taxi). Ho er som regel på plass før nokon andre av elevane i 3E. Særleg i fransktimane viser ho sin styrke i å gjera store freistnader på ikkje å stokka lydane. Resten av kreftene brukar ho på å auka strikkeproduksjonen på Gymmen. -- "Tulla" vert sjeldan sett ute på livet om kveldane, men ser ein godt etter, finn ein ho stundom svingande mellom gammaldansens venner. Dessutan er ho til stades på kvar bondefest på Bulken. Elles interesserer ho seg for gammalt norsk miljø med "åst" og godt smør. Ho er sta som eit esel, men ei trivleg dros med godt humør. Sigrun er dessutan for lengst bortlova, så her er du for seint ute, kar! -- Framtidsvon: Å bli medeigar i den gule (grøne?) folkevogna. -- Høgste ynske: Å få lov til å eta pærer (60 - 100 W).
Haldis Urdal, Granvin "Kokka"	Den som trur at Haldis ikkje er fødd, tek feil. Det store underet hende ein gong føre jul i 1951, og alle var glade og takksame. Haldis talar hardingamål og har ikkje til hensikt å endra på det. Det er sjølvsagt unødig å seia at ho har fast følge. Ho reiser til Granvin kvar helg, og frå løynde kjelder har vi fått vita at ho då et mykje og godt. På skulen er ho reservert og tilbakeholden - ho opnar ikkje munnen utan at ho vert spurd, og då kjem det ofstast vetugt svar. -- Ein dag i haust gjorde ho noko som spurdest lang veg: Ho stakk hol i øyrene sine! Det er nærliggjande å tru at ho er lei av den usunne lufta i klasserommet og ville skaffa seg litt gjennomtrekk. Elles er å seia at privatlivet kretsar for det meste om Fleischer og kjøkkeninngangen. Ho likar å sveve, og difor er yndlingsmelodien: "Fly me to the moon".
Turid Stave, Flåm	Turid -- sprudlande sedla frå Sogn. Turid likar Voss så godt at ho har vore her to helgar dei tre åra ho har gått på "Gymmen". "Borte bra, men heime best." Strikkeklubben i 3E har eit trufast medlem i Turid, og ho likar ikkje at lærarane uroar henne midt i strikkearbeidet. Etter at det kom i gang anleggsdrift i Aurland, har ho sverma for (med) elektrikarar. -- Turid har nokre svevane framtidsplanar. Ho kan t.d. aldri bestemme seg om ho skal slutte å røykje eller ikkje. -- Framtidsdraum: Å bli fast skattebetalar i kommunen. -- Fast uttrykk: Vait dere om da è fest i Flåm i helgi?
Magny Tjønneland Dalekvam	Ei grei jente på 20 år. Fyste året på "gymmen" budde ho heime, men så flytte ho til Voss, og no vil ho helst ikkje reisa herifrå. Ho har eit sydlandsk temperament, og det er ikkje lenge mellom kvar gong lunta tenner. "Trø meg ikkje for nære!" -- Ho praktiserer 5 dagars skuleveke, og lange skuletimar kortar ho ned med brevskriving og strikking. Elles kunne ein tru at ho har misforstått at kateteret er framme og ikkje bak hjå Turid. Magny er fransklæraren sin "yndling", og det er ikkje lenge mellom kvar gong ho lyt skrive franske gloser på tavla. -- I fritida er ho å sjå i ei kvit folkevogn på Vangen eller på Jarl. -- Framtidsdraum: Å bli fastbuande på Voss.
Lars Egil Haukaas, Ulvik i Hardanger "Löwen"	Löwen er Russ i år. (Er'ke det bra?) Tja. Man får sige som dikteren: "Han er vel fuktig som aldri før? Eller har han forelsket sig igjen?" For at gaa sagen lige paa: Efter dybtgribende og nitide ransakelser, og efter at have gaaet i sig selv (og andre; det er ofte lettere), haver Löwen kommet dithen at enten saa maa det være Gymnasiet eller saa ham selv der er noget galt ved. -- Han haver stedse satt pris paa kroppens utvekster, og efter at han i fjor høst en gang tok sig fore at pusse sin hybels lille speil, fattet han iver for sitt utseende. Resultat (forelaa 6/1-71): Utvekster paa hagen. Dette var dog bare midlertidig, og efter at have funnet ut at lykken staar den kiække bi, haver han klækket ut at løsningen var at skiærpe sit intelekt. -- Sammen med sin navnebror og et par andre hærrer haver han konstant dyrket den sevrosente hymor i tide og uvær (alt efter hvis). God natt!
Asbjørn Olafson "Slengen"	Lang, balaus skapnad frå Indre Hardanger. Asbjørn er lokalpatriot på sin hals, og alle som ikkje tykkjer Ulvik er paradis på jorda, stemplar han som landsvikarar. Han går for å vera ein ærleg og uredd fyr, og plasserte seg derfor optimistisk på fyrste pult. Men utpå vinteren vart situasjonen kritisk, fransklærarar og andre vesen bombarderte han med uløysande spørsmål, og etter langvarige grublingar stakk Asbjørn halen mellom beina og forsvant bak på siste pult. Olafs har eit noko uvanleg ganglag, og fylgjer av dette er at armar og bein vert ein einaste floke når han gear'ar opp i andre. På ein eller annan måte har Asbjørn fått det for seg at han har songrøyst, noko som gjev seg utslag i dei ofselegaste gurglelydar i tide og utide. Trass i at han er harding har han eit sprudlande humør og ei skarp tunge, og han er ein av dei få som kan utløysa latterbrølet i 3E. -- Framtidsdraum: Spela klovn i eit Shakespeare-drama. -- Fast uttrykk: Jenter! -- nei -- jenter!!! (Med femdobbel forakt i røysta.) -- Forbilde: Marty Feldman.

TILBAKE TIL HOVUDSIDA

Avisa -- Klasse 3N 

 

Marta Løne, Voss	Marta sit for det meste i ro på skulepulten. Ho har eit smil som dårar dei fleste lærarane og medelevar, og ho nyttar ofte den metoden i skuletida. -- Somme tider kjem ho med politiske meiningar som kan sjokkera nokon kvar, men til all lukke hender det ikkje så ofte. -- Om vinteren køyrer Marta i buss til skulen og ho er av dei heldige som kan koma til andre timen og seia: at "bussen var forseinka". Marta har ein svært underleg hobby, nemleg å dra til Oslo i tide og utide. Etter kva vi har forstått får ho både gratis husvære og mat der borte. -- Elles så har ho sunne interesser, Jarl-kveldar, privatfestar og gutar med og utan bil! -- Framtidsvon: Å bli til noko STORT! -- Fast uttrykk: Å å å, eg har så lyst til Oslo!
Borgny Ringheim, Voss	Borgny er etter alle kunstens reglar eit skulelys. Ho sit på første pult og snakkar fortruleg med lærarane, men det er heller sjeldan ho lyfter si røyst til klassen. Ho har det med å vera litt sein til første time mandag. Dette er grunna Borgny sine trufaste besøk til Utne. Elles er ho i sterk opposisjon til norsklæraren over hans tolking av dikt, dette gjev ho uttrykk for kvar gong det vert gjeve stilar attende. -- Hennar framtidsdraum er å få slå seg ned på Utne.
Kåre Magnar Vikøren Truls Øren	Sogning av uvisst opphav (jfr. krøllane), som er født prinsipielt ueinig i alt. Noko som han også stadig gjev uttrykk for. Han var litt av ein grønskolling då han kom til Voss, men hans grøne periode kulminerte under World Cup, sidan har Truls vore aktivt med i ting som ovrar seg i tida. Truls reiser mykje, særleg med Granvinsbanen Vangen-Palmafossen, men han legg også regelmessig ut på lengre turar. Var også ei tid svært aktiv idrottsmann, men fann fort ut at fetsing og idrott ikkje høyrde saman og slutta difor med idrotten. -- Motto: Sau i hovæ' og lam i beina.
Grethe Marie Finsrud, Bolstadøyri "Finsen"	Grethe er ei jente med godt utvikla humoristisk sans, og ho tolkar alle vitsar med fransk tankegang. Ho har okkupert pulten nærast døra for å komma seg snøggast mogeleg ut frå timane. -- Grethe har i sine yngre dagar vore turnerske, og er framleis nevesterk og i stand til å slå frå seg skulle det røyna på, noko gutane i klassen har merka. -- Grethe er mest for kosmopolitt å rekna då ho har vore servitrise i fiskar-hytta på Bolstad. Grethe sin livrett er tydelegvis egge-krem, grunnen skal vera usagt. Ho er ein av dei få i 3N som har lov å koma for seint, ho reiser nemleg med tog, og dette dreg ho seg nytte av dersom ho har ærend på Vangen. Ho har fast plass på benken i gangen i frikvartera. -- Yndlingsuttrykk: Ao, ki da? Gje deg!
Ingebjørg Vatne, Bavallen	Ho er ei av dei som sterkt har merka seg det negative ved livet på gymmen, og ho har fleire gonger nekta innordna seg under systemet. Som regel føl ho si eiga nase, og dei som kjenner Ingebjørg veit at ho ikkje alltid peikar rett fram. Men retninga finn ho som regel! -- Utanom det har ho "slakta" seg gjennom skulen med minst muleg lesing og mest muleg preiking, og ho er eit godt politikaremne, ho preikar alltid rundt tingen så lenge at ingen hugsar att kjernen. -- Det siste året har vore verre for Ingebjørg enn dei andre. Trass i sin sterke vilje til å høyra etter i timane, har tankane som regel teke ekspressen austover, og ho har utvikla ei levande interesse for student-problem. -- Fritida og alle friminutt nyttar ho til å preike, preike, og for det meste er temaet: "Neste år, når eg kjem til Oslo -- -- --". -- Ho har også ein svak draum om fortida som ho prøver å stø seg til, draumen om "den gong eg var aktiv".
Anne Sellevold, Dalekvam	Lyshåra, bebrilla (utan tvil), ung (?) møy frå Dale. -- Før ho kom til Voss var ho på Frekhaug, ein stad som må ha gjort inntrykk på henne, for ho tar seg ofte turar ut dit. ( ) -- Ho er svært hjelpsam, men held seg helst i ro i timane, men i friminuttet har ho lett for å blanda seg inn i samtalar (som ho ikkje har noko med) og seier si meining (?). Morosame replikkar frå klassen blir møtt med latter. Ikkje sant Truls. -- Yndlingsfag: Gymnastikk (energi?) -- Fast uttrykk: Ku -- -- --a ku. -- Kjenneteikn: Hårtvinning.
Magny Irene Soltvedt, Dalekvam	Magny har etter mykje om og men rive seg laus frå Dale-gryta og teke bustad på Ullestad. Ho har ikkje teke aktivt del i det "søte liv" her på Voss, ho er kun å sjå på kino og då saman med Liv-vakt.Magny er lidenskapeleg strikkerske, og kunne blitt ein stor-produsent til Dale Fabrikker. Ho er svært roleg i timane, men kan til ulike tider gi frå seg nokre uartikulerte lydar som skal tolkast som latter. Vansken for henne er då å få ein ende på galskapen. -- Det er ikkje lett å koma i vrangstrupen på Magny, men ein lærar her på Gymnaset har greidd det til fulle. -- Magny er 3N sin utsending til russestyret, eit svært tillitsfullt verv. -- Yndlingsuttrykk: Dudlideisann. -- Livrett: Mat (etter eige utsagn). -- Yndingslitteratur: Det Nye.
Bjørn Mikal Dommarsnes "Bønne"	Skulestadmoar som fører eit flakkande tilvære. Set sitt preg på 3. Norrøn med sine spesielle meiningar og teoriar som ofte har sett lærarstaben og medelevane sitt tolmod på prøve. Han har Nord-Europas mest ytterleggåande meiningar, som han har si fulle hyre med å forsvara med science fiction og voldsomme armrørsler. -- Det at ingen tek han alvorleg har gitt han kompleks, og på Jarl prøver han å læra kompleksa å symja. Han er i konstant vitaminmangel og prøver å retta på dette med å drikka ein kupjolter (dekknamn mjølk) i kvart matfriminutt. Har fleire gonger pådratt seg lungebetennelse etter å ha vorte liggjande ute etter fredagskvelden på Jarl. -- Yndlingslesnad: Peanuts. MAD. Science fiction. -- Fast uttrykk etter å ha lese Peanuts: Suverent + jævla latterbrøl. -- Motto: Berre virkar slik.
Sigvor Bakke, Vågseidet, Lindås "Siggy"	Sjølvstendig lite nék oppi Ringheimsvegen (opphaveleg frå Vågseidet, Lindås). Testa Voss pr. handelsskule for nokre år sidan, lika seg her, tok sjansen på "Gymmen" og sidan har ho vore her. (Såkalla fastgrodd.) -- Leid lenge av kronisk forseintkoming, men kom seg unna parade ved avvisande smil og mumlande klager over ver og føre. Men til slutt sprakk det og Sigvor fekk seg ny klokke,? flytta bak til oss "gutta" i kroken og vart bitter og inneslutta. Men ho tina snart opp att og sidan har vi hatt glede av den perlande låtten hennar (hæse brøl). -- Sigvor er alltid med på fest (ikkje misforstå) og hybelen hennar er ofte så overfylt at ein må stå i kø. Ho er total optimist og flyt mykje på flaksen (under tvil). Har og evna til å tileigna seg lærdom (deklamerast med patos) utan å anstrengja seg. Av og til kan ein mistenkja henne for å vera intelligent. Ho er den berande krafta (lyrisk stemningsbilete) i russestyret og russerevy (iallefall ei av dei). Dette kjem ho bra frå (ein russ si meining). -- For tida er ho noko redusert (dvs. utslått), då ho har sett seg føre å hjelpa nordlendingane fram til likestilling. -- Framtidsdraum: Bli same.
Sissel Urhaug, Vaksdal	Sissel er ei lyslugga jente med sitt opphav frå Vaksdal, som ved eit mistak hamna på Voss Gymnas. Ho er levande interessert i musik(arar). Den musikalske givnaden hennar har gitt seg dei underlegaste utslag. I fjor var ho stadig å sjå i fast rute oppetter Ringheimsvegen med eit bestemt (mål) hus for auga. No har ho skifta både mål og reiserute. Ho tek no toget til Dale, der forloveden ventar på stasjonen. -- Ved sida av sine mange viktige gjeremål, har Sissel lekselesing som hobby. Men dette til tross, så har ho som oftast eit svar å gje når læraren dristar seg til å spørja henne. I timane kjem ho med dei sterkaste utbrot som sjokkerar resten av klassa. -- Fast kjennemerke: I fullt firsprang oppetter trappa midt i første time. -- Fast uttrykk: "Å--å, eg er så trøytt!!!"
Atle Slettemark, Voss "Slet-tiss"	Denne karen er av rette sorten - sprek, vill og glad i eksporten. -- Han verkar svært så sprek på oss - har ei jente i Bergen og ti på Voss. -- Skrotten er ikkje av det største slaget, men med fest og kvinner har han det rette draget. -- At han er turnar kan alle forstå, tenk tolv flasker eksport og deretter gå. -- Trass dette er han både kjekk og grei, og blomstrar det gjer han alltid i mai. -- Kjennemerke: Han drikk brus i fyrste timen kvar laurdag. -- Motto: Kroppen krevå du. -- Fast uttrykk: Den forbanna fransken!
Tormod Heggland, Dale	Ein lyslugga gentleman frå Dale, med gullring (på høgre handa). -- Han har forfattarblod i årene, noko som viser seg særleg i engelsk. Han bur på hybel, noko som gjev seg utslag i bollar og brus og storfriminuttane. -- Har fleire gonger freista slutte røykje, men eventyra (blandinga) har igjen fått plass på innerlomma i midifrakken, som han fekk på kjøpet med gullringen. -- Han synest vere glad i litt spenning (fotball?), for han fyller ut tippekupongen kvar veke, alltid med like stor interesse. Til opplysing: Ingen storvinst enno.
Åshild Dalen Hovet i Hallingdal Alias Snoopy	Forlovet! -- Av den typen som kjøper gardinstoff på billigsalg og går på guttebesøk om kvelden alt mens forloveden leser matte Kristiansand. Har en egen overtalelsesevne som hun bruker når hun vil ha La Bohême til å skulke gymnastikken for å disputere over en kopp kaffe -- eller når hun vil innbille klassen at hun ikke er vanelsker -- ennå. Lar seg erte, men ikke Terg(j). Har alt flyttet inn hos svigerforeldrene hvor hun tar seg sjokkerende friheter ved å drømme om sykkelturer med Hovland om natten og om Høyland om dagen. -- Yndlingsuttrykk: Kutt ut!
Gunnlaug Møen, Tvilde, 5700 Voss	Gunnlaug er ei alle tiders jente. Ho er som oftast ganske roleg, men somme tider høyrer vi eit latterbrøl eller høg skjennepreken til eleven bak. Ho er alltid full av humør, uansett ver og vind. -- I fritida held ho seg helst på Tvilde. Kva som er så interessant der, har vi ikkje funne ut ennå. Men noko må det no vera, for ho er vanskeleg (ja, nesten umulig) å få ned til sivilisasjonen etter "mørkets frambrudd". Elles "rasar" ho rundt i 50 km/t, og kosar seg som best ho kan, både i bil og til fots. -- Hobby: Å køyra rundt i blå Ford Anglia. -- Motto: "Må kje tru du e' tøff". -- Ideal: Gunnlaug Ormstunga. -- Framtidsvon: Bil! Bil!!! (Morris eller Volvo Sport).
Inger- Johanne Storenes, Dalsøyra "Blondie"	Inger heiter ho og ler gjer ho. Ryktet vil ha det til at ho lo høgt då ho endeleg vart fødd, og det verkar ikkje utruleg. Men trass i latteren er ho ein av dei flittigaste gymnaset har fostra, og Høyland tyr til henne med vanskelege grammatiske problem. Ho har levd eit tilbaketrekt kveldsliv i gymnastida, mest fordi ho er så grueleg mørkredd og må gå forbi Tvildemoen for å koma på Vangen. Ho er ein av dei få som har hatt same hybelen i tre år. -- Yndlingslektyre: Damenes Roman. -- Framtidsvon: Verte sjukepleierske og gifte seg med overlegen.
Leikny Atterås, Dalsøyra "Den altetande"	Blid sognataus som har store intensjonar om å bli prestefrue. Av den grunn var ho den fyrste i 3N som fekk blank ring på fingeren. Ho vil gjerne fylgja med i timane, men vert diverre altfor lett distrahert av urolege element i klasserommet. Hennar mest framtredande eigenskap er at ho et alt, frå papir til kulepennar (med blekk). Høyrer ein det knasar i timane, er det berre Leikny som skal amputera ein ny kulepenn. Ho brukar såleis ikkje så svært mykje pengar til mat, men desto meir til skulemateriell. -- Fast uttrykk: No mao du slotte!
Leikny Haga, Tananger "Lille Rosin"	Den einaste i klassen som har fått utlevert blaude konsonantar i språket sitt. Ho er frå det flataste av landet, og er fødd opp på havvatn og reker. Ho har forplikta seg på at ho ikkje vil gifta seg, men forfattaren er overbevist om at ho er villig til å endre synet dersom det kjem ein som deler hennar syn på ekteskapet, som består i full fridom for den eine parten (kvinna). Leikny høyrer til dei stillferdige i skuletimane, men får bra karakterar likevel, p.g.a. eit tillitsvekkjande ytre. -- Framtidsvon: Å verte bibliotekar på Svalbard.
Anne-Marie Myklebust, Florø "La Bohême"	Estetiker med stort hjerte. Arriverte Voss uten forvarsel i 1970, og fikk umiddelbart politisk asyl hos lensmannsbetjenten og enecelle i Hagebyen. Betjenten fikk her sin livsoppgave og ser ut til å ha sluppet godt fra det, idet hun avanserte fra fanatisk marxist-leninist til demagogisk gymnastikklærerinne uten ambisjoner, men med stereoanlegg. Skjuler sin tvilsomme identitet bak mørke briller og altoppslukende dyrkelse av historielæreren og prikkmalerier. Psykologisk interessant tilfelle og programfyll i fransktimene, en kombinasjon som har gitt seg utslag i determinisme og kjederøyking (Kent). -- Besøket verdt for alle mennesketyper. --
Magnhild Lid, Voss	Magnhild er av dei heldige som kan halda fatninga i alle situasjonar. (Iallefall på skulen.) Av den grunn blir ho mykje nytta som sjelesørgjar av dei som treng det. Ho opnar sjeldan munnen i timane, unntatt når vi får uventa lekseprøve; då kviskrar ho: "Gubba kor frekt." I år vart ho biten av strikkebasillen. Han har herja stygt med henne; såleis har ho etter jul strikka 7 gensarar. -- Etter skuletid går ho rett heim. På laurdagane hender det at ho er på Jarl saman med gemal, elles så er ho av dei få som møter pliktoppfyllande opp på kvar dans på "gymmen". Magnhild gjev ikkje opp fordi om ho støyter på problem. Ho har ei spesiell evne til å sitja og grubla i dagevis over ein nesten uløyseleg floke. Elles så er ho ei alletiders jente, som gjerne er med på eit slag bonde-sjakk i kjedelege timar. -- Motto: Ta det litt med ro! -- Yndlingsvise: "Villemann og Magnhild". -- Hobby: Dyrka musikk og musikarar.
Synneva Vethe, Bulken	Dette er ei ekte Bulkajente med fart i segla (munnen). Gjennom tre år har trangen til å preika gjeve sterkt utslag til forargelse for ein viss person (Vik....). Kvinneforeiningsdebatten har gått livleg særleg i engelsktimane. Ho har ei utømmande kjelde av latter og godt humør. Ho har gjennom heile gymnastida trufast knaska knekkebrød med ost (som ho ikkje synest å verta lei av). Framfor kvar gamalnorsktime er ho intens innesitjar i friminuttet, men trass i dette klarar ho seg bra. Hennar framtidsdraum er å verta ansatt ved Den Franske Ambassade (Oui, oui).
Jan Vaksdal, Vaksdal	Jan er ein av dei få i norrønklassen som tek del i diskusjonar, han har sine eigne meiningar som de andre ikkje alltid kan vere samde i. -- I timane har han ein tendens til å følgje med, og trass i lange kveldsturar med Øvre Ullestad som mål, kan han mest alltid leksene sine. -- I sine unge dagar var han vokalist i ei popgruppe, men slutta med dette då han kom til Voss. No syng han berre i fransktimane (La Marseillaise). -- Jan har vekkjarklokke, men trass i at ho vekkjer naboen, hender det at han sjølv berre så vidt kjem tidsnok til andre timen. -- I andreklassen hadde Jan eit lettare tilfelle av "fallesykje" -- tomber malade. -- Som konklusjon kan ein seie at han er ein kjekk kar som ofte set medelevane sine lattermusklar i sving. -- Fast uttrykk ved omsetjing: elle .... elle ....
Turid Solberg, Bolstad	Turid er ein hjarteknusar av dei store. Ho kom til Voss frå Bolstad, og sette som sitt mål å knusa mest mogeleg hjarter. Ho kom halvvegs, då møtte ho Han, som visstnok er "gromguten". -- Turid er ei av dei få som alltid er med i timane. Ho kan alltid leksa si, sit på første pult, og er kort sagt: Ei snill skulejente. (Hmmm!!!) Somme tider greier ho ikkje halda meiningane sine i ein diskusjon, og då brakar det laus på fyrste pult med alt temperament ein kan ynskja seg. -- I gammalnorsk-timane har ho sett seg som mål å ha læraren for seg sjølv, derfor sit dei og diskuterar lågt for seg sjølve rett som det er. Lurar på kva det er om? -- Hobby: Brøyta seg veg frå Bolstad til Evanger. -- Framtidsdraum: Å bli bondekone på Bolstad-Evanger.
Harry Jondahl, Jondal (Valblåst)	Harry kom rekande nordover under den siste folkevandringa (1968) frå Ytre Hardanger, og havna etter store strabasar med skifting buss/ferje/tog o.l. på Voss (om livssoga hans elles viser ein til "En flyktning krysser sitt spor" og sammenlikn). Harry viste tidleg evne til å bli noe, og har såleis prøvd seg både som linedansar og kunstmålar med levande modell, samt mykje anna som ikkje høver på trykk. Etter tre år på studentfabrikken er han byrja å skrive Voss med liten v, uvisst kvifor. Han viser elles (av)viken(de) interesse, spesielt i engelsktimane. Hans festliv tykkjest noko vinglande med utskeiingar både på Voss og i distrikta, og på sine mange ekskursjonsturar i helgane er han den fødde reiseleiar for sine meir eller mindre sløve kameratar. -- Motto: Bare drikk, det er ingen skam å spy -- men spy med andakt. -- Kjenneteikn: Ja.
Lise Langåker, Karmøy "Lisen"	Kva som trekte denne jenta til Voss er heller uvisst, men det var iallfall gildt at ho kom. På skulen var ho flittig dei to første åra, og løn for strevet var 1 års opphald "over there". Og i Chicago var det leik! Hoppet frå amerikansk til gml.norsk jord var nok for stort, så no jobbar ho på Jarl i staden. -- Hennar største interesse er vossa-studentar i byn. Dei står i kø rundt henne, og ho skiftar rett ofte. Dersom dei ikkje kjem til Voss, reiser ho til Fantoft . Det er hennar største ønske å få slå seg ned der snarast mogeleg. Ho har nemleg planar om å bli evig student i Bergens by, noko ho sikkert vil greia. -- Fast frase: Kelnar, gi meg meir phfils! (mjød).
Bernt Otto Sævig, Voss	Bernt Otto er av den stille rasen, men kan til sine tider verta svært spydig, noko som oftast går utover "Trulsen". -- Bernt sine store hobbiar er fotball og hund, han lir nemleg av "hundegalskap". -- I gymnastikktimane er han svært destruktiv for sine medelevar, og det har resultert i såre fingrar og naseblod. (Heia Bønne!). -- Bernt Otto er ikkje noko festmenneske, og er etter eige utsagn mest for totalist å rekna. (Ingen regel utan unnatak.) -- I timane held han kjeft (med godt resultat), men som dei fleste stille har han alltid noko vetugt å sei når han først nyttar snakketøyet. -- Han er ein av dei få her i klassen som veit litt om kva som hender i den store verda utanfor Voss. -- Yndlingslesnad: "Goal" (engelsk fotballfacistblad). -- Motto: Tja -- -- -- --
Erna Liv Osland, Bjordal Alias: Erasmus Montanus	Tilhenger av tyske, politiske brosjyrer, tidsskrift, brev og norske snøklokker. Disputerer med samtlige av skolens pedagoger og peblinger og har utsett seg Ytre-eide som Per Degn. Til glede for klassen, men ikke for han(en). Dyrker individuell studering og lekseprøver(!). Interessefeltet spenner over alt fra sunnmøringer til tyskere. Deler hus med frk. Størsrud og er av den grunn leder for antikampanjen mot gulvvask kl. 5 om morgenen (A. M. G. 5 a.m.). -- Kjennetegn: Prinsipielt uenig -- med midtskill. -- Fast uttrykk: Jamen -- -- --

TILBAKE TIL HOVUDSIDA

Avisa -- Klasse 3L

 

Kjartan Tvilde, Nyre "Agurken Snoopy"	Koseleg spirrevipp av ein latinar frå Nyre-traktene. -- Kjartan er ein bereist ung mann, han har bl.a. vore i England, Tyskland, Frankrike, Italia og Spania. At Kjartan har eit godt språkøyra oppdaga alle då han kom attende frå eit opphald i London i vinterferien og tala flytande engelsk med nyresleng. Kjartan veit enno ikkje kva han skal verta, men han har synt sterke ambisjonar i retning å verta yrkesboms. -- Kjartan har mange hobbies, ein av dei er bl.a. å ta salto med bil på Gjerdesflatane. "Snoopy" er ein av dei få heldige som har klippekort på Jarl og er difor ofte å sjå der om fredags- og laurdagskveldane. Han meiner sjøl at det stimulerar han til å gjera latin etter at han kjem heim. -- Om Kjartan er det mangt og mykje å seia, men mykje skal forbi usagt. -- Fast uttrykk: "Hei, kor går det? Æ da no liv?" -- Framtidsdraum: Å få disponera eigen leikebil.
Bjørg Opedal, Voss "Knøtte"	Denne ljoshåra snella på 20 år er ein blanding mellom vossar- og hardingablod, noko som hennar temperament tydeleg vitnar om! Ho er ei jente med bestemte meiningar om alt mogeleg, og er ikkje redd for å skrika ut dersom ho kjenner trong til det -- men høgtalarannlegget har i dei 3 åra ikkje alltid vore i fuksjon. Av di ho er av dei få som kan strekkja beina heilt ut i ei Folkevogn, er Bjørg ofte å sjå i ein slik doning. Er elles å observera på Hanguren om sundagsmorgonane, der ho hjelper folk med brukne lemer. -- Yndlingsuttrykk: Naiiiii -- --! -- Motto: "Hvorfor være stor når man er lykkelig som liten".
Gro Mari Liland, Bulken "Goa"	Søt og godsleg dros tao Bolkjen, som har ei eiga evne til å snurra visse lærarar rundt fingen. Gro Mari er svært effektiv og nyttar difor ofte timane til strikking o.a. handarbeid. Trass i sin unge alder er ho svært bereist (Frankrike, Belgia, England, Tyskland), noko som viser at ho har lopper i blodet når det gjeld reising. Gro Mari prøvde før jul å innføra 5-dagars skuleveke, men det lukkast ikkje heilt. -- Sjølv om Gro er ivrig deltakar i festlivet på Voss, er ho ofte å finna på ski på Hanguren. Ho meiner sjølv at "det bestaste er å væ fri" når det gjeld "det sterke kjønn", difor tek ho dei aldri alvorleg. Gro skriv og eigne dikt som diverre ingen får lesa. -- For dei som ikkje veit det, så bur ho på hotellet pao Bolkjen i eiga leileghet. -- Fast uttrykk: "Ikkje tull!" og "Fy Fader!" -- Framtidsdraum: Å vera fri som fuglen og flakka jorda rundt.
Synnøve Hegg "Nøffe"	Lita og latterfull snuppe, som praktiserer ein ny læremetode, ho påstår nemleg at ho får mest ut av timane ved å sitja med ryggen til læraren. Ho har eit smittande humør og har mang ein gong skaffa medelevar trøbbel i timane, dei klarer nemleg ikkje å slutta å le. Heilt ukjent med nattelivet på Vangen er ho heller ikkje, og dersom du høyrer nokon seia: "Eg ska inn", i køen utanfor Jarl ein fredagskveld, kan du vera sikker på at det er ho. At ho er språkkuning fekk alle turistane som vitja Borgund stavkyrkje merka sist sommar, og etter den tid har ho hatt ei merkverdig interesse for alt gamalt, særleg dans og historie! -- Fast uttrykk: -- Framtidsdraum: Alltid å ha ein tyggis på handa, og å få sex i historie.
Olbjørg Skutle, Haugo / "Olla"	Frisk jente ifrå Bryn -- med sans for typar -- med bilar og gryn -- Sjeldan ho syter -- og aldri ho grin -- -untatt for latin. -- Og ofte ho går, -- om aldri så skral -- med sitt lange mørke hår --ned på diskoteket på Jarl. -- Med hennar glade smil --og sjeldne sinne -- er ikkje nokon i tvil -- at det skjuler seg eit lyst lynne. -- Yndlingsmelodi: Kiss me quick -- Fast uttrykk: Tjo -- Hai!
Gullbjørg Nyre "Lynet"	Gullbjørg er ei livleg og smilande Nyre-taus. Snakketøyet er i god stand i friminutta, men ho har diverre hatt vaskar med det, og av den grunn er ho ofte taus i timane. Ho har ein særdeles velutvikla lått, som kan høyrast både i tide og utide. Den har mang ein gong fått heile klassen til å bryta ut i lått. Sans for huslege gjeremål finn ein også i denne mangfaldige jenta. Ein har kunna observert henne opptil fleire gonger på vegen Nyre-Posthuset med store kaker som inneheldt kaker, adressert Sætermoen. Ho sit på første pult og vender det ljose hovudet rett mot læraren for at det skal sjå ut som ho fylgjer med, noko som ho ofte ikkje gjer, fordi tankane er langt, langt mot nord. Ein uvane har ho lide av heile gymnastida, og det er forseintkoming. -- Kjenneteikn: Alltid to knekkebrød i nistepakka. -- Fast uttrykk: "Ka meina de om da?"

TILBAKE TIL HOVUDSIDA

Avisa -- Klasse 3Mu

 

Kirsten Gjersvik, Voss "Kiss"	"Kiss rødtopp" er typisk Vossing -- er sjelden nedenfor Hellesneset og ovenfor Palmafossen. Med andre ord "Lokalbedøva". -- Det er mulig å få henne ut på ski, men hun trivs best sammen med Knøttene, og langt borte fra leksene. -- Kiss liker Vreeswijk og Ravel, men sluker epler og bananer osgå. Er vanligvis blid, men hisser seg fort opp hvis det er noe hun ikke liker. -- Spiller gitar og synger når hun er sikker på at hun er alene. Sover med vinduet åpent sommer som vinter og har derfor lite til overs for Hansa-arbeidernes morgenkonsert i bakgården. -- Fast uttrykk: No ringde da also. -- Største ønske: At Elisabeth skal få seg klokke. -- Hobby: Å sova lenge o morgonen.
Arne Akselberg, Voss	Arne er den store teknikaren i 3Mu, og den som kjem på at for å få lyd i forsterkaren må den slåast på. -- Han er ein av dei i 3Mu som veit kva som er opp og ned på ei lærebok i "matte", og som difor i to år gjekk til "mattetimane" utan større gru. -- Arne er ein stille og roleg gut som svarar når han blir spurd, men elles held munn. Han er kvalifisert medlem av "klassesukket" før fransktimane, og går heilhjarta inn for franskfri musikkline. -- Arne har fans -- som er eit resultat av pop-bandteneste. Men han har vore vanskeleg å få tak på, då han heller sit heime med platespelaren enn å gå på Vangen etter mørketid. -- Framtidsvon: Å nå ned til pedalane på eit orgel. -- Fast uttrykk: Asta har du fransken?
Oddny Gjeråker, Voss "Ått-ni"	Traust Vosse-jente med klisterhjerne, meldingsbok og niste. Byrja på Gymmen for å "blåsa" i friminutta og mussisera i timane. -- Ho likar ikkje formlar -- korkje kjemiske eller biologiske. Men Oddny greier seg. Ho har meldingsboka si. -- Som trulova tek ho livet med ro, og dagane som dei kjem. Høvisk ro truleg erverva i framsetet på ein kvit Cortina. Oddny har niste med seg kvar dag, noko som ofte kan føra til misunning frå medlelevar då nista som oftast blir fortært i timen før det store friminuttet. -- Hobby: Spela piano.
Birgit Odéen	Birgit er Årdals-jente, men er forbausande lite miljøskadd. Ho er ei stødig jente som er mykje nytta som barnevakt og lynavleiar. Med sine tussefløyte-låtar spela på blokkfløyte har ho lenge vore ein populær post på ymse program på skulen. Dessutan har ho sans for hu-mor. Ja, ho har til og med i si tid vore utnemnd til "gliset 69". Wesen-Steen og Asterix har hatt mykje å seia for Birgit si åndelege utvikling. Elles spelar ho piano og syng alt (eller ingenting). -- Fast uttrykk: "Eg kan ein! Kan du den?" -- Hobby: Tenkja.
Tove Karin Elmlinger	Kunstnarspire, fødd og oppvaksen på Voss. Tove førte lenge eit anonymt tilvære, men hadde sin fyrste debut i fjor (NRK). Sidan har ho vore i søkjelyset, og har skrive mange gode visetekstar. Tove likar godt sjokolade og cowboy-filmar. I vinter gjekk det ein mandag rykte om at ho hadde vore med turlaget på ski om sundagen. Det synte seg til og med at ryktet tala sant. Tove er mangslungen; ho skriv tekstar, spelar klassisk gitar, gjer av og til lekser, heklar og malar utanom skuletida. Dessutan har ho fritidsproblem. (Ho veit ikkje korleis ho skal få fritida til å strekkja til.) Det er få som vil tru at Tove kan spela trekkspel, men det er heilt sant. -- Fast uttrykk: Ka' fø' nokke? -- Framtidsvon: Få fritid.
Jorunn Pedersen, Øvre Årdal	Jorunn er sogning og temperamentsfull. Ho trulova seg i jula, men har teke dette svært fornuftig. Noko som irriterar resten av klassen, er at Jorunn forstår absolutt alt i biologi-pensumet. Ei tid nytta ho fritida til å gå på dans saman med alle kompisane på jordbruksskulen, men ho bestemte seg snart for å slå seg til ro med den einaste rette, som jobbar heime i Årdal. Dersom det er nokon som er i tvil når det gjeld tidspunktet for prøver eller eksamen, er det berre å spørja Jorunn. Ho tek nemleg slike ting seriøst, i motsetnad til sine medstudentar. Interessa for bilar er sterk hjå Jorunn, og ho går med von om at den som står hennar hjarta nærast, skal selja Folkevogna og i det minste kjøpa ein Mustang. -- Hobby: Henta posten. -- Framtidsvon: Få ein Ford Mustang.
Jens Arnvid Brekke, Vik	Mellom vener vert han kalla Eple-Jens. Ein ekte Viking som fiksar alt. Når nauda er størst, er Jens nærast. Han gler sine medstudentar og lærarar med eplekasser om hausten (jfr. tilnamnet). Jens kjem med turre vitsar på dei rette stadene hjå dei feile lærarane. Han har stor interesse både for idrett og musikk, og i tillegg les han ofte lekser. -- Mykje tyder på at Jensemann også har interesse for det annet kjønn. Han har nemleg vorte observert hand i hand med ei jente på Vangen -- etter mørkets frembrudd! Dette vekte stor åtgaum hjå medstudentane. -- Fast uttrykk: Ti' atte! -- Hobby: Gå på ski til Vik.
Asle A. Haaland, Voss	Sprudlande barytonsongar frå Voss som aldri let att kjeften. Etter eiga utsegn søv han lite eller aldri om nettene, og tek det difor att i timane. Utmerka seg ved å tolka Ibsens skodespel i norsktimane. Asle les så godt fransk at ein franskmann må ha vanskar med å forstå det. Etter ganske kort tid oppdaga klassen at Asle har kvikksølv i baken. -- Etter å ha lese pensum i språkhistorie har han fått særleg interesse for trønder-dialekten, og nyttar denne ikkje minst i timane. -- Fast uttrykk: Behold roen, gutter! -- Hobby: Studera sexuologi. -- Framtidsvon: Få feelingen.
Styrk Opheim, Voss	Styrk er tenor og bassgitarist. Han skuffa fans'en med å slutta i Shades of Blues våren -70. Styrk er ein av dei mange som dyrkar Wesenlunds humor, og har såleis alltid godt humør og stor nistepakke. Han likar godt søte jenter, men har vanskeleg for å finna den einaste rette. Såleis er han ikkje trulova eller straffa på nokon annan måte. Styrk er klassens muntrasjonsmoment, ikkje minst når han får imitera dei ymse lærarane. I biologien har han funne ein åndsfelle i den raud-øygde bananfluga. Dette vil ein lettare forstå ved å møta Styrk på Jarl visse kveldar. -- Fast uttrykk: Da e' me fø! --Hobby: Eta banan på tvers. -- Framtidsvon: Køyra tog.
Bjørg Kinne	Samvitsfull jente som gjev resten av klassen dårleg samvit. Ho er altså ei av dei få som disponerer tida godt og møter vél førebudd til kvar skuledag. Ho nyttar som oftast tog då ho har lang skuleveg, men når veret og føret tillet det, er ho sporty og kjem til skulen på 2-hjuls-trakkar. Bjørg kjem ofte i heftige diskusjonar med originalen blant russen, nemleg Kolbein. Om ho ikkje kjem så langt i livssyn-diskusjon med Kolbein, så kan ho iallfall tolka Grieg på pianoet. -- Fast uttrykk: Da har eg lest ein plass. -- Hobby: Køyra Folkevogn.
Marta Mørkve, Odda	Odda-jente med bein i nasen. Ho har eit temperament som særleg gjer seg gjeldande ved diskusjonar i timane. Marta er ei av dei i klassen som spelar godt piano, og då er det Beethoven-sonatar som står henne nærast. Kanskje temperamentet hennar har ein viss likskap med yndlingskomponisten sitt skiftande temperament. Latteren kan nå langt opp i tonehøgd, trass i at Marta har altstemme. I mattetimane vart ho mang ein gong den som berga situasjonen, og dette har ho halde fram med i fransktimane. Marta byrja fyrst på reallinja ved Odda Gymnas, men fann snart ut at hennar plass var ved Musikklinja på Voss. -- Fast uttrykk: Jammen det er jo klart det .......... -- Hobby: Le og fortelja grove vitsar. -- Framtidsvon: Bli kjendis.
Åsta Lund, Os pr. Bergen "Trulte"	Den første uken var "Trulte" den mest beskjedne jenten i musikklassen, men etter den tid innskrenket dette seg til bare å vise seg overfor lærerne. De er hun livredd!! -- I grunnen er det rart at vi har den koselige Os-jenten her ennå, for hun lengter alltid hjem og truer stadig vekk med å slutte på "gymmen". -- Er det noen som skal ha tak i "Trulte" så kan vedkommende bare gå etter den sprudlende latteren eller se etter en merkelig hårfarge. "Trulte" har nemlig til vane å farge håret så det vekker oppsikt over hele Vangen. -- Fast uttrykk: Hæææ! -- Største ønske: Heim til mamma og Nils'en. -- Hobby: Synge Ola Glomstulen.
Tom Næss, Drammen	Tom er drammensgutt, men meiner likevel at det er betre med ein dram i timen enn ein time i Drammen. Han er med på "ti på topp"-lista når det gjeld fråvære i klassen, og har etter kvart kome langt opp på lista. Yndlingskomponistane hans er Bartôk, Zwartjes og Næss. Han imponerer stundom med å opptre i Kinosalen med ein barneflokk som visstnok er elevar av Musikkskulen. Ein dag kom Tom på skulen litt meir forventningsfull enn elles, og klassekameratane oppdaga ved nærare ettersyn at han hadde fått skjegg. Tom høyrer med til storsjarmørane på gymmen, og dessutan vil vi sikkert i framtida høyra mykje til han, om han og av han. -- Fast uttrykk: Eh -- det er -- litt på -- -- -- -- noe som -- jeg -- har lurt -- Hobby: Jenter og seg sjølv. -- Framtidsvon: Komponist Næss.
Nina Elisabeth Braarud, Ørje "Rulla Pigg jr."	Koselege Elisabeth kom til Voss -- til nynorsk og musikk. -- Kanskje endar det med Vossedoss og felegnikk? -- For sjølv om få låg oftare med brote bein i seng -- og har knust varme gutehjarto i fleng -- så sat ho sjølv ein dag på kroken fast -- og kan berre leggja seg sjølv til last. -- Som hobby nummer to -- har Elisabeth piano. -- Og gutane som piano-flyttedyr har vore -- er truleg glad for at ho nå kjem seg av gårde. -- Den daglege bunken med brev -- kostar timen etter mykje strev. -- Særleg Smålenenes Avis avlar store glis. -- Men trass i alt så låner ho læraren øyra -- og får vridd svaret sitt slik at det let seg høyra. -- Framtidsvon: Å få vite kor mykje klokka er utan å sjå på henne. -- Fast uttrykk: Nehei, Kolbein, du er helt ....... -- Hobby: Arabesque.

TILBAKE TIL HOVUDSIDA